ପାଟଣାଗଡ଼(ସନ୍ତୋଷ ପଣ୍ଡା)-ବଲାଙ୍ଗୀର ଜିଲ୍ଲା, ପାଟଣାଗଡ଼ ବ୍ଳକ ଲରମ୍ଭା ଇନପୁର ଅଞ୍ଚଳରେ ବଲାଙ୍ଗୀର ଅବକାରୀ ଅଧିକାରୀ ସୁପରିଟେଣ୍ଡେନ ଶ୍ରୀଯୁକ୍ତ ସୀତାକାନ୍ତ ମୁଦୁଲିଙ୍କ ନିର୍ଦ୍ଦେଶ ଅନୁଯାୟୀ ଲରମ୍ଭା ଇନପୁର ଅଞ୍ଚଳରେ ପେଟ୍ରୋଲିଙ୍ଗ୍ କରାଯାଇଥିଲା।ପେଟ୍ରୋଲିଙ୍ଗ୍ ସମୟରେ ଇନପୁର ଛକ ଦେଇ ଯାଉଥିବା ଗୋଟିଏ ବାଇକ୍ ଉପରେ ସନ୍ଦେହ କରି ପାଟଣାଗଡ଼ ଅବକାରୀ ବିଭାଗ ବାଇକ୍ ଟିକୁ ଅଟକାଇ ପଚରାଉଚରା କରିଥିଲେ।
ବାଇକରେ ଥିବା ବସ୍ତା ଖୋଲି ମଧ୍ୟ ଦେଖିଥିଲେ ବସ୍ତାରେ ଦେଶୀମଦ ନେଉଥିବାର ଦେଖି ଅଭିଯୁକ୍ତର ବାଇକ୍ ଓ ମଦ ବୋଝେଇ ବସ୍ତା କୁ ଅବକାରୀ ବିଭାଗ ଜବତ କରିଥିଲେ। ଅଭିଯୁକ୍ତ ଜଣକ ଇନପୁର ଗ୍ରାମର କରୁଣା ବରିହା ବୋଲି ଜଣାପଡିଥିଲା। ୪୦ ଲିଟର ରନ୍ଧାମଦ, ଗୋଟିଏ ବାଇକ୍, ଅବକାରୀ ବିଭାଗ ଜବତ କରି ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ପାଟଣାଗଡ଼ ଅବକାରୀ ଅଧିକାରୀ ଶ୍ରୀଯୁକ୍ତ ରାଜକୁମାର ବେହେରା ସୂଚନା ଦେଇଛନ୍ତି।
