ପଦ୍ମପୁର – ଆଜି ନିଜ ମା ବାପାଙ୍କ ଆଶୀର୍ବାଦ ନେବା ସହ ସିମିଳିଖୋଲିଏନ ଠାରେ ଇଷ୍ଟଦେବୀ ମାଁ ସିମିଳିଖୋଲିଏନ ମନ୍ଦିର ଠାରେ ପୂଜାର୍ଚ୍ଚନା ସାରି ପଦ୍ମପୁର ଅଭିମୁଖେ ବାହାରିଥିଲେ।ପଦ୍ମପୁର ରେ ଏକ ସଭା କାର୍ଯ୍ୟରେ ଯୋଗଦେବା ପରେ ସହର ପରିକ୍ରମା କରି ଆମ ଆଦମୀ ପାର୍ଟି ଦଳର ବିଧାନସଭା ପ୍ରାର୍ଥୀ ବାଲ୍ମୀକି ନାଏକ ସ୍ଥାନୀୟ ଉପଜିଲ୍ଲାପାଳ ତଥା ରିଟର୍ଣ୍ଣିଙ୍ଗ ଅଫିସର ଆଲୋକ ପଟେଲ ଙ୍କ ଠାରେ ନିଜର ପ୍ରାର୍ଥୀ ପତ୍ର ଦାଖଲ୍ କରିଛନ୍ତି। ତାଙ୍କ ସହ ରାଜ୍ୟ ଯୁବ ସମ୍ପାଦକ ପୌଳସ୍ତ୍ୟ ସାହା ଓ ଆପ ର ବିଭିନ୍ନ କର୍ମକର୍ତ୍ତା, ରାଜ୍ୟ ସମ୍ପାଦକ ଅମିତାଭ ପାତ୍ର, ଜିଲ୍ଲା ଆବାହକ ଭବାନୀ ସାହୁ, ଜିଲ୍ଲା ଯୁବ ସଭାପତି ଅଭିନାଶ ବାଗ, ଗୋଠୁ ଗୁଡା ସରପଞ୍ଚ ପ୍ରୀତମ ନାଏକ, ପୂର୍ବତନ ସରପଞ୍ଚ ଚମ୍ପାବତୀ ନାଏକ, ଭଗବାନ ବେହେରା, ଲମ୍ବୋଦର ସାହୁ, ହାରାଧନ ବରିହା ପ୍ରମୁଖଙ୍କ ସହ ଆମ ଆଦମୀ ପାର୍ଟି ର ବିଭିନ୍ନ ଛାମୁଆଁ ସଂଗଠନ ର କର୍ମକର୍ତ୍ତା ଏହି ବିଶାଳ ରାଲିରେ ଯୋଗଦେଇ ଥିଲେ। ବାଲ୍ମୀକି ଜଣେ ନବାଗତ ପ୍ରାର୍ଥୀ ହେଲେହେଁ ଜଣେ ଟାଣୁଆ ଯୁବ ସଂଗଠକ ଭାବରେ ଆଗରୁ ବିଭିନ୍ନ ସାମାଜିକ ଅନୁଷ୍ଠାନ ସହ ଜଡ଼ିତ ଥିବା ଯୋଗୁଁ ତାଙ୍କୁ ଦଳମତ ନିର୍ବିଶେଷରେ ବହୁ ଯୁବକ ତାଙ୍କର ଏହି ଶୋଭାଯାତ୍ରାରେ ସ୍ଵତଃ ସାମିଲ ହୋଇଥିବା ଦେଖାଯାଇଥିଲା। ତାଙ୍କୁ ସମସ୍ତ ଜନସାଧାରଣଙ୍କ ଆଶିର୍ବାଦ ଥିବା ଯୋଗୁଁ ଓ ଆମ ଆଦମୀ ପାର୍ଟି ର ସମସ୍ତ ଅଭିଜ୍ଞ ନେତୃମଣ୍ଡଳୀ ଙ୍କ ସହଯୋଗ କୁ ପାଥେୟ କରି ସେ ଚଳିତ ନିର୍ବାଚନ ରେ ରେକର୍ଡ ସଂଖ୍ୟକ ଭୋଟ ପାଇ ସେ ନିଶ୍ଚିତ ବିଜୟୀ ହେବେ ବୋଲି ଗଣମାଧ୍ୟମ ଆଗରେ ପ୍ରକାଶ କରିଛନ୍ତି।
