ପଦ୍ମପୁର-ପଦ୍ମପୁର ଅନ୍ତର୍ଗତ ସର୍ଗିବାହାଲ ସରସ୍ଵତୀ ଶିଶୁ ମନ୍ଦିରର ବଣ ବିହାର କାର୍ଯ୍ୟକ୍ରମ ସାରଙ୍ଗପୁର ନୃସିଂହମନ୍ଦିର ପରିସରରେ ଅନୁଷ୍ଠିତ ହୋଇଯାଇଅଛି। ଏଥିରେ ମୁଖ୍ୟ ଅତିଥି ନୃସିଂହ ମନ୍ଦିରର ପୂଜକ ବ୍ରହ୍ମଚାରୀ ସୁଧିର ଚନ୍ଦ୍ର ମିଶ୍ର ଦୀପ ପ୍ରଜ୍ଜ୍ୱଳନ କରିଥିବା ବେଳେ ଅତିଥି ଟେଙ୍ଗନୁ ସାହୁ ଉପସ୍ଥିତ ଥିଲେ। ନୃସିଂହ ମନ୍ଦିରର ମନ୍ଦିର ପରିଚାଳକ ପଞ୍ଚା ବରିହା ଓ ରବି ପଟେଲ ପୂର୍ଣ୍ଣ ମାତ୍ରାରେ ସହଯୋଗ କରିଥିଲେ। ବିଦ୍ୟାଳୟ କମିଟିର ସଭାପତି ପ୍ରେମାନନ୍ଦ ବାରିକ, କୋଷାଧ୍ୟକ୍ଷ କନ୍ଦର୍ପ ଶିକା ,ପୋଲସ୍ତିରାମ ସାହୁ ଉପସ୍ଥିତ ଥିଲେ।
ଏହି ମନ୍ଦିର ପରିସରରେ ଷଷ୍ଠ ଶ୍ରେଣୀର ଭଉଣୀ ଆୟୁଶ୍ରୀ ତ୍ରିପାଠୀଙ୍କ ଜନ୍ମଦିନ ଓ ଗଣିତ ଦିବସ ପାଳନ କରାଯାଇଥିଲା। ପ୍ରେମାନନ୍ଦ ବାରିକ ବାଣ ବିହାର ଉପରେ ବକ୍ତବ୍ୟ ରଖିଥିବା ବେଳେ ମାତୃଭାରତୀର ସଦସ୍ୟା ସ୍ନେହଲତା ସାହୁ ମାଆ ବାପାଙ୍କ ଭୂମିକା ଉପରେ ଆଲୋକପାତ କରିଥିଲେ। ଭାରତୀୟ ସଂସ୍କୃତି,ପରମ୍ପରା,ପର୍ବ ପର୍ବାଣୀ ଉପରେ ଶିଶୁ ଭାଇଭଉଣୀ ଓ ଅଭିଭାବିକାମାନଙ୍କ ପାଇଁ ପ୍ରଶ୍ନମଞ୍ଚ କରାଯାଇଥିଲା।
ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ପ୍ରମୋଦ କୁମାର ସାହୁ ଅତିଥିଙ୍କ ପରିଚୟ ପ୍ରଦାନ କରିଥିବା ବେଳେ ଆଚାର୍ଯ୍ୟ ବିଶ୍ଵଜିତ ବରିହା ଧନ୍ୟବାଦ ଅର୍ପଣ କରିଥିଲେ। ବିଦ୍ୟାଳୟର ସମସ୍ତ ଗୁରୁଜୀ, ଗୁରୁମା,ସେବିକା ଓ ବାହନଚାଳକ କାର୍ଯ୍ୟକ୍ରମକୁ ସହଯୋଗକରି ସଫଳ କରିଥିଲେ।
