ବୁଗୁଡା(ସୋରେନ କୁମାର ପ୍ରଧାନ)-ସ୍ଥାନୀୟ ଅରବିନ୍ଦ ନଗର ଦ୍ବିତୀୟ ଲାଇନରେ ଶ୍ରୀ ଜଗନ୍ନାଥ ପଞ୍ଚରାତ୍ରୀ ପାରାୟଣ, ଘୃତଯଜ୍ଞ, ପ୍ରବଚନ ଓ ଅନ୍ନଯଜ୍ଞ କାର୍ଯ୍ୟକ୍ରମର ଶୁଭାରମ୍ଭ ଗତ ସୋମବାର ଦିନଠାରୁ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ଶ୍ରୀ ଜଗନ୍ନାଥ ସଂସ୍କୃତିର ପ୍ରଚାର, ପ୍ରସାର ଓ ବିଶ୍ବକଲ୍ଯାଣ ନିମନ୍ତେ ରାଷ୍ଟ୍ରୀୟ ଜଗନ୍ନାଥ ମହିମା ପ୍ରଚାରକ ବରେଣ୍ଯ ପ୍ରବକ୍ତା ବାବା ଶ୍ରୀ ସତ୍ଯାନନ୍ଦ ଦାସ ମହାରାଜଙ୍କ ମୁଖନିସୃତ ଦିବ୍ଯବାଣୀ ଶ୍ରବଣ ପୂର୍ବକ ବହୁ ଶ୍ରଦ୍ଧାଳୁ ଆଶୀର୍ବାଦ ଲାଭ କରୁଛନ୍ତି।
ଏହି ପଞ୍ଚଦିବସୀୟ କାର୍ଯ୍ୟକ୍ରମର ପ୍ରାରମ୍ଭରେ ଗତ ରବିବାର ଦିନ ଅଧିବାସ ଓ କଳସ ସ୍ଥାପନ ସାଙ୍ଗକୁ ପ୍ରତ୍ଯେହ ସକାଳେ ପାରାୟଣ, ଅପରାହ୍ନରେ ଘୃତଯଜ୍ଞ, ସନ୍ଧ୍ୟାରେ ପ୍ରବଚନ ଏବଂ ରାତିରେ ପ୍ରସାଦସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଆସୁଥିବା ବେଳେ ୩୧ ତାରିଖ ଶୁକ୍ରବାର ଦିନ ପୂର୍ଣ୍ଣାହୁତି ହେବା ନେଇ ଆବାହକ ଲକ୍ଷ୍ମୀ ନାରାୟଣ ପାଢ଼ୀଙ୍କଠାରୁ ପ୍ରକାଶ ପାଇଛି ।
