ବରପାଲି – ବରପାଲି ବ୍ଲକ ବନ୍ଧପାଲି ସରସ୍ୱତୀ ଶିଶୁ ବିଦ୍ୟାଳୟ ପରିସରରେ ବିଦ୍ୟାଳୟ ସ୍ତରୀୟ ବିଜ୍ଞାନମେଳା ଆୟୋଜିତ ହୋଇଯାଇଛି । ଶନିବାର ପୁର୍ବାହ୍ନରେ ଆୟୋଜିତ ବିଜ୍ଞାନମେଳା ସ୍କୁଲ ପ୍ରଧାନଆଚାର୍ଯ୍ଯ ଜିତେନ୍ଦ୍ରିୟ ପୂଜାରୀଙ୍କ ତତ୍ବାଧାନରେ ପରିଚାଳିତ ହୋଇଥିଲା। ଛାତ୍ରଛାତ୍ରୀ ମାନଙ୍କୁ ବିଜ୍ଞାନର ବିଶେଷତ୍ବ ଓ ସମାଜ ପ୍ରତି ବଳିଷ୍ଠ ଅବଦାନ ସମ୍ପର୍କରେ ଅତିଥି ମାନେ ଆଲୋକପାତ କରିଥିଲେ। ବିଦ୍ୟାମନ୍ଦିର ପ୍ରମୁଖ ଗୌରି କୁମାର ସାହୁ ବିଜ୍ଞାନମେଳା ର ଆଭିମୁଖ୍ୟ ପ୍ରଦାନ କରିଥିଲେ । ମେଳାତ୍ସବରେ ଶିଶୁ ପ୍ରାରମ୍ଭ ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଯୋଗଦେଇ ୧୨୦ଟି ପ୍ରକଳ୍ପ ପ୍ରଦର୍ଶିତ କରିଥିଲେ।
ଅଭିଭାବକ, ଅଭିଭାବିକା ତଥା ଅନେକ ବିଜ୍ଞାନ ପ୍ରେମୀ ମେଳା ପରିଦର୍ଶନ କରିଥିଲେ। ମେଳା ନିରିକ୍ଷକ ଭାବରେ ହିମାଶୁଂ ମେହେର,ବାଳକୃଷ୍ଣ ମେହେର,ସରୋଜ ଭୋଇ,ନିରୋଜ ସ୍ବାଇଁ ଓ ସଞ୍ଜିତା ପୁଜାରୀ ପ୍ରମୁଖ ବିଚାରକ ଭାବରେ ପ୍ରକଳ୍ପ ଗୁଡ଼ିକର ମୂଲ୍ୟାଙ୍କନ କରିଥିଲେ। ଶ୍ରେଷ୍ଠ ବିବେଚିତ ପ୍ରକଳ୍ପ ଗୁଡ଼ିକ ସଙ୍କୁଳ ସ୍ତରୀୟ ବିଜ୍ଞାନମେଳା ପ୍ରଦର୍ଶିତ ହେବ। କାର୍ଯ୍ୟକ୍ରମରେ ବିଦ୍ୟାଳୟ ବିଜ୍ଞାନ ବିଭାଗ ସମସ୍ତ ଗୁରୁଜୀ, ଗୁରୁମା , ସେବକ, ସେବିକା ସହଯୋଗ କରିଥିଲେ। ପରିଚାଳନା ସମିତି ସଭାପତି ଦୁତିୟା ମେହେର,ସମ୍ପାଦକ ସଦାନନ୍ଦ ସାହୁ,ସଦସ୍ଯା ନିଳିମା ସାହୁ,ସଦସ୍ଯ ଉମାପତି ପୁଜାରୀ,ଲକ୍ଷ୍ମଣ ମହାପାତ୍ର ପ୍ରମୁଖ ବିଜ୍ଞାନମେଳା ପରିଦର୍ଶନ କରି ଛାତ୍ର ଛାତ୍ରୀଙ୍କୁ ଉତ୍ସାହିତ କରିଥିଲେ।
