ବରପାଲି-ବରପାଲି ବ୍ଲକ ରେମତା ଗ୍ରାମରେ ନୁଆଁଖାଇ ଭେଟଘାଟ ସମାରୋହ ୨୫ବର୍ଷ ପୂର୍ତ୍ତି ଅବସରରେ ରୌପ୍ୟ ଜୟନ୍ତୀ ପାଳିତ ହୋଇଯାଇଛି । ଜୟନ୍ତୀ ପରିଚିଳନା କମିଟି ସଭାପତି ସୁଶାନ୍ତ ଦେବତାଙ୍କ ସଭାପତିତ୍ବରେ ପରିଚାଳିତ ଉତ୍ସବରେ ସରପଞ୍ଚ ବିନୟ ଗଡ଼ତିଆ ମୁଖ୍ୟଅତିଥି ଭାବେ କାର୍ଯ୍ଯକ୍ରମକୁ ଉଦଘାଟନ କରିଥିଲେ।
ଅବସର ପ୍ରାପ୍ତ ଶିକ୍ଷକ କୃଷ୍ଣଚନ୍ଦ୍ର ଦେବତା ଓ ବ୍ୟଙ୍ଗ କବି କିଶୋର କୁମାର ସାହୁ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଅତିଥି ମାନେ ନୁଆଁଖାଇ ଭେଟଘାଟର ମୂଳ ଉଦେଶ୍ଯ,ଭାଇଚାରା,ଆଚାର ବିଚାର ଓ ପରମ୍ପରାର ଚଳଣି ଉପରେ ମତବ୍ୟକ୍ତ କରିଥିଲେ ।
ଏହି ଅବସରରେ ନୂଆଁଖାଇ ସୁରତା ସ୍ମରଣୀକା ଉନ୍ମୋଚିତ ହୋଇଥିବା ବେଳେ କଳା,ସଂସ୍କୃତି,ଶିକ୍ଷା ସମ୍ପର୍କିତ ବିଭିନ୍ନ ପ୍ରତିଯୋଗିତା ମାନ କରିଯାଇଥିଲା। ପରେ କୃତି ପ୍ରତିଯୋଗୀ ମାନଙ୍କୁ ଏବଂ ଗ୍ରାମର ଗୁଣି ଜ୍ଞାନି ବ୍ୟକ୍ତି ମାନଙ୍କୁ ଉପଢୌକନ ପ୍ରଦାନ ସହ ସମ୍ମାନିତ କରାଯାଇଥିଲା ।
ସମ୍ବର୍ଦ୍ଧିତ ବ୍ଯକ୍ତି ବିଶେଷ ମାନଙ୍କ ମଧ୍ଯରେ ଧିରୋଜ ପଧାନ,ତରଣୀ ଦେବତା,ଦିବ୍ୟକିଶୋର ବେହେରା,ବିନୟ ପଟେଲ,ସଂଜୀବ ପଧାନ,ଅନନ୍ତ ବେହେରା ପ୍ରମୁଖ ରହିଥିଲେ। ଚିତ୍ତରଞ୍ଜନ ବେହେରା ସ୍ଵାଗତ ସହ ପରିଚୟ ଓ ସଭାକାର୍ଯ୍ଯକୁ ସଞ୍ଚାଳନ କରିଥିଲେ । ଶିକ୍ଷକ ମନୋଜ ପଧାନ ଧନ୍ୟବାଦ ଅର୍ପଣ କରିଥିଲେ ।
