ଅତାବିରା(ସୁରେନ୍ଦ୍ର କଠାର)-ସକାଳ ପ୍ରାୟ ୫ଟା ସମୟରେ ସମ୍ବଲପୁର ବରଗଡ ୫୩ ନମ୍ବର ଜାତୀୟ ରାଜପଥ ଅତାବିରା ଥାନା ଅଧିନ ରେଂଗାଲିକେମ୍ପ ଛକ ପାଖରେ ଅଜଣା ଗାଡି ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ସୂଚନା ମିଳିଛି | ସୂଚନା ଅନୁସାରେ ବରଗଡ ଜିଲ୍ଲା ଭେଡେନ ବ୍ଲକ କୁସୁନପୁରୀ ଡାଂଗଟିକ୍ରା ଗ୍ରାମର ଦୁଇ ଜଣ ବ୍ୟକ୍ତି ଗୋଟିଏ ଟେମ୍ପୁରେ ରେଂଗାଲିକେମ୍ପ ଛକକୁ ପନିପରିବା କିଣିବା ପାଇଁ ଆସିଥିଲେ ।
ଟେମ୍ପୁର ତେଲ ସରିଯିବାରୁ ଜଣେ ବ୍ୟକ୍ତି ନିକଟସ୍ତ ତେଲ ଟାଙ୍କିକୁ ତେଲ କିଣିବାକୁ ଯାଇଥିଲେ ଆଉ ଜଣେ ବ୍ୟକ୍ତି ଟେମ୍ପୁ ପାଖରେ ଛିଡା ହୋଇଥିଲେ । ଏହି ସମୟରେ ଗୋଟିଏ ଅଜଣା ଗାଡି ଆସି ପଛପଟୁ ଧକ୍କା ଦେଇ ଫେରାର ହୋଇଯାଇଥିଲା । ଧକ୍କାଦେବା ଫଳରେ ଘଟଣାସ୍ତଲରେ ହିଁ ଉକ୍ତ ବ୍ୟକ୍ତିଙ୍କ ମୃତ୍ୟୁ ଘଟିଥିଲା । ମୃତ ବ୍ୟକ୍ତିଙ୍କ ନାମ ପରକ୍ଷିତ ଡାଙ୍ଗ ବୋଲି ଜଣାପଡିଛି । ଖବର ପାଇ ଘଟଣାସ୍ତଲକୁ ଅତାବିରା ପୋଲିସ ପହଂଚିଥିଲା ତଦନ୍ତ ଯାରି ରଖିଛି|
