ବରଗଡ଼ – ବରଗଡ ଆମ୍ବପାଲି ଛକରେ ଏକ ପେସେଞ୍ଜର ଟେମ୍ପୁ ଭାରସାମ୍ୟ ହରାଇ ଦୁର୍ଘଟଣାର ସମ୍ମୁଖୀନ ହୋଇଥିଲା । ଆହତ ମାନଙ୍କୁ ସାମାଜିକ ଅନୁଷ୍ଠାନ ସଂକଳ୍ପ ପରିବାର ଓ ସ୍ଥାନୀୟ ଲୋକଙ୍କ ସହଯୋଗ ରେ ଚିକିତ୍ସାଲୟ ଙ୍କୁ ନିଆଯାଇଥିଲା । ସୂଚନା ମୁତାବକ ବରଗଡ଼ ବ୍ଲକ ଅନ୍ତର୍ଗତ ବରଡୋଲ ଗ୍ରାମର ଦୁଇଟି ପରିବାର ତାଙ୍କ ସମ୍ପର୍କୀୟ ଜଣକର ଦଶାହ କାର୍ଯ୍ୟରେ ଯୋଗଦେବା ପାଇଁ ବରଡୋଲ ଗ୍ରାମରୁ ବେହେରା ଗ୍ରାମକୁ ଯାଇଥିଲେ ଫେରିବା ସମୟରେ ଟେମ୍ପୁ ଚାଳକ ବରଗଡ଼ ଅମ୍ବାପାଳି ଛକରେ ଥିବା ବୁଲାଣି ରାସ୍ତାରେ ଭାରସାମ୍ୟ ହରାଇ ବସିଥିଲେ ଯେଉଁଥିରେ ଟେମ୍ପୁ ସିଧାସଳଖ ରାସ୍ତା ମଝିରେ ଓଲଟି ପଡିଥିଲା ଓ ଦୁର୍ଘଟଣାର ସମ୍ମୁଖୀନ ହୋଇଥିଲା ।
ଯଦ୍ୱାରା ଟେମ୍ପୁରେ ବସିଥିବା ଲୋକ ମାନେ ଗୁରୁତରଆହତ ହୋଇଥିଲେ । ଆହତ ଲୋକ ମାନଙ୍କ ମଧ୍ୟରୁ ଜଣକର ଗଡ଼ ଭାଙ୍ଗି ଯାଇଥିବା ବେଳେ ଆଉ ଜଣକର ମୁଣ୍ଡରେ ମାଡ଼ ହୋଇଥିଲା ଓ ଅନ୍ୟ ମାନେ ସାମାନ୍ୟ ଆହତ ହୋଇଥିଲେ ସମସ୍ତ ଆହତ ମାନଙ୍କୁ ଘଟଣା ସ୍ଥଳରେ ଉପସ୍ଥିତ ଥିବା ସଂକଳ୍ପ ପରିବାର ର ସଦସ୍ୟ ଦେବାଶିଷ ଡାଙ୍ଗ, ଚନ୍ଦନ ପଧାନ , ବିକାଶ ଅଗ୍ରୱାଲ ପ୍ରମୁଖ ସ୍ଥାନୀୟ ଲୋକଙ୍କ ସହିତ ମିଶି ୧୦୮ ଆମ୍ବୁଲାନ୍ସ ଓ ସଂକଳ୍ପ ପରିବାର ର ଏକ ଆମ୍ବୁଲାନ୍ସ ସାହାଯ୍ୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପହଞ୍ଚାଇ ଥିଲେ ।
