ଗାଇସିଲେଟ-ବରଗଡ ଜିଲ୍ଲା ଗାଇସିଲେଟ ଥାନା ବୁରୋମୁଣ୍ଡା ନିକଟରେ ରାସ୍ତା କଡରେ ଥିବା ସରକାରୀ ପୋଖରୀ ନିକଟରେ ଏକ ବାଇକ ଭାରସାମ୍ଯ ହରାଇ ଦୁର୍ଘଟଣା ହୋଇଥିବା ସୂଚନା ମିଳିଛି । ଦୁର୍ଘଟଣାରେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । ସୂଚନା ଅନୁସାରେ ଗୋଟିଏ ମୋଟର ସାଇକେଲ ରେ ତିନିଜଣ ବସିଥିବା ବେଳେ ଦୁର୍ଘଟଣା ଘଟିଛି ।
ବୁରୋମୁଣ୍ଡା ଗ୍ରାମର ନରୋତ୍ତମ ପୋଢ଼ ଓ ଲରମାମୁଣ୍ଡାର ଭିବିଷଣ ଥପାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ବୁରୋମୁଣ୍ଡାର ମହାଦେବ ଝାଙ୍କର ଆହତ ହୋଇଛନ୍ତି । ଖବର ପାଇ ଘଟଣା ସ୍ଥଳେ ଗାଇସିଲେଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମୃତକ ଦୁଇ ଜଣ ଓ ଆହତଙ୍କୁ ଆମ୍ବୁଲାନ୍ସ ଯୋଗେ ପଦ୍ମପୁର ଡାକ୍ତରଖାନାକୁ ପଠାଯାଇଛି ।
