ବରପାଲି – ବରପାଲି ମହାବିଦ୍ୟାଳୟ ପରିସରରେ ରାଜନୀତି ବିଜ୍ଞାନ ବିଭାଗ ପକ୍ଷରୁ +୩ ପ୍ରଥମ ବର୍ଷ ନୂତନ ଛାତ୍ରଛାତ୍ରୀ ମାନଙ୍କୁ ସ୍ବାଗତ ଉତ୍ସବ ପାଳିତ ହୋଇଯାଇଛି। ମଙ୍ଗଳବାର ବିଭାଗିୟ ବରିଷ୍ଠ ଛାତ୍ରଛାତ୍ରୀ ମାନଙ୍କ ଦ୍ବାରା ସ୍ବାଗତ ସମ୍ବଦ୍ଧନା ଦିଆଯାଇଥିଲା । ଏହି ପରିପ୍ରେକ୍ଷୀରେ ଏକ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା। ବିଭାଗୀୟ ମୁଖ୍ୟ ଅଧ୍ୟାପକ ଅଲେଖ କୁମାର ମହାନନ୍ଦଙ୍କ ସଭାପତିତ୍ୱରେ ସଭାକାର୍ଯ୍ଯ ପରିଚାଳିତ ହୋଇଥିଲା।
ମହାବିଦ୍ୟାଳୟ ଅଧ୍ୟକ୍ଷା ସୁଶ୍ରୀ ଜୟନ୍ତୀ ଦାଶ ଏବଂ ପ୍ରଶାସନିକ ପ୍ରଭାରୀ ତଥା ଇଂରାଜୀ ମୁଖ୍ୟ ପ୍ରଧ୍ୟାପକ ସୁଶୀଲ କୁମାର ଶତପଥୀ ମୁଖ୍ୟଅତିଥି ଓ ସମ୍ମାନୀତ ଅତିଥି ଭାବରେ ଯୋଗ ଦେଇଥିଲେ। ଅତିଥି ମାନେ ଛାତ୍ରଛାତ୍ରୀ ମାନଙ୍କୁ ଉଚ୍ଚଶିକ୍ଷା ଲାଭକରି ସମାଜରେ ଶାନ୍ତି ଶ୍ରୁଙ୍ଖଳା ରକ୍ଷା କରିବା ତଥା ଯଥୋଚିତ ସେବା ପ୍ରଦାନ କରିବା ପାଇଁ ପ୍ରେରଣା ଯୋଗାଇଥିଲେ। ଅନ୍ଯତମ ଅତିଥି ଅଧ୍ୟାପିକା ଦେବାଙ୍ଗିନୀ ସାହୁ, ଅଞନା ଭୋଇ, ସୀମା ଭୋଇ ମଣିଷ ଜୀବନରେ ଶିକ୍ଷାର ଗୁରୁତ୍ବ ଓ ମୁଲ୍ୟବୋଧ ଉପରେ ବୁଝାଇବା ସହିତ ଛାତ୍ରଛାତ୍ରୀ ମାନଙ୍କର ଉଜ୍ଜ୍ଵଳ ଭବିଷ୍ୟତ କାମନା କରିଥିଲେ।
ପ୍ରାରମ୍ଭରେ ବିଭାଗିୟ ଛାତ୍ରଛାତ୍ରୀ ଐଶ୍ବର୍ୟାନନ୍ଦିନୀ, କମଳା, ଅଞଳି, ଆଦିତ୍ୟ,ଗୌତମ, ଦିଲ୍ଲିପ ଓ ବିକାଶ ପ୍ରାରମ୍ଭିକ ସଂଗୀତ ଗାନ କରିଥିଲେ । ଗୌରବ,ଐଶ୍ବର୍ୟା,ତ୍ରିଲୋଚନ,ସୌରଭ,ନିକିତା,ବର୍ଷା,ରୁବି,ଗୌରି,ପ୍ରଜ୍ଞା,ହିମାଂଶୁ,ପ୍ରଶାନୁ,ଗଣେଶ,ଅଜିତ ସହିତ ସମସ୍ତ ଛାତ୍ରଛାତ୍ରୀ ସାଂସ୍କୃତିକ କାର୍ଯ୍ୟକ୍ରମରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ । ପରିଶେଷରେ ଗୌରବ ଭୋଇ ଧନ୍ୟବାଦ ଅର୍ପଣ କରିଥିଲେ।
