ବରପାଲି – ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ବରପାଲି ବ୍ଲକ ବୁରୋମୁଣ୍ତା ଗ୍ରାମର ସାହିଲ୍ ସାହୁ ୭୮ତମ ରେଙ୍କରେ କୃତିତ୍ୱ ଅର୍ଜନ କରିପାରିଛନ୍ତି | ଏହି ଅବସରରେ ଅଞ୍ଚଳର ବୁଦ୍ଧିଜିବୀ ତଥା ବନ୍ଧୁବାନ୍ଧବ ଏବଂ ବିଭିନ୍ନ ଶିକ୍ଷାନୁଷ୍ଠାନ ପକ୍ଷରୁ ଶୁବେଚ୍ଛାର ସୂଅ ତାଙ୍କ ଘରକୁ ପହଞ୍ଚିବାରେ ଲାଗିଛି। ସାହିଲ ଲରମ୍ଭା ମହାବିଦ୍ୟାଳୟରୁ ସ୍ନାତକରେ ଉତ୍ତୀର୍ଣ୍ଣ ହେବା ପରେ ଓଡ଼ିଶା ସିଭିଲ ସର୍ଭିସ ପାଇଁ ନିଜକୁ ପ୍ରସ୍ତୁତ କରିଥିଲେ |
ଏହି ଅବସରରେ ସାହିଲ କୃତିତ୍ବର ଶ୍ରେୟ ତାଙ୍କ ପରିବାରଙ୍କ ସମେତ ସମସ୍ତ ଶିକ୍ଷକ, ଶିକ୍ଷୟିତ୍ରୀ ବୋଲି କହିଥିଲେ। ବରପାଲି ବ୍ଲକ ପାଟ କୁଲୁଣ୍ଡା ଗ୍ରାମ ପଞ୍ଚାୟତ ବୁରୋମୁଣ୍ଡା ଗ୍ରାମ ର ବୁଦ୍ଧଦେବ ସାହୁ ଙ୍କ ପୁତ୍ର ଅଟନ୍ତି। ସାହିଲ ହାଇସ୍କୁଲ ଅଧ୍ଯୟନ ବରପାଲି ସରସ୍ଵତୀ ଶିଶୁ ବିଦ୍ୟା ମନ୍ଦିରରେ କରିଥିବା ବେଳେ ଗତ ୨୦୧୩ ମସିହାରେ ଦଶମ ପାସ କରିଥିଲେ।ପରେ ଯୁକ୍ତ ଦୁଇ ବରଗଡ଼ ବିକାଶ ଜୁନିୟର କଲେଜ ଓ ସ୍ନାତକ ଶିକ୍ଷା ଲରମ୍ଭା ମହାବିଦ୍ୟାଳୟରୁ କୃତିତ୍ୱର ସହ ଉତ୍ତୀର୍ଣ୍ଣ ହୋଇଥିଲେ।
ଓଡ଼ିଶା ସିଭିଲ ସର୍ଭିସ ପରିକ୍ଷା ପାଇଁ ନିଜକୁ ପ୍ରସ୍ତୁତି ଉପରେ ଗୁରୁତ୍ବ ଦେଇ ସଫଳତା ଅର୍ଜନ କରିଥିଲେ। ଭବିଷ୍ୟତରେ ଗରିବ ଶ୍ରେଣି ତଥା ଅସହାୟ ମାନଙ୍କ ହିତ ପାଇଁ କାର୍ଯ୍ୟ କରିବାକୁ ସେ ସଙ୍କଳ୍ପବଦ୍ଧ ବୋଲି ଜଣାଇଥିଲେ। ସାହିଲ ଙ୍କ କୃତିତ୍ବ ଖବର ପ୍ରସାରଣ ପରେ ଅଞ୍ଚଳରେ ଏକ ଆନନ୍ଦର ମାହୋଲ ଖେଳିଯାଇଛି।
