ପୂଝାରୀପାଲିରେ ପୋଲିସର ଜନସମ୍ପର୍କ କାର୍ଯ୍ୟକ୍ରମ ।

ପଦ୍ମପୁର-ପଦ୍ମପୁର ପୋଲିସ ଉପଖଣ୍ଡ ଜଗଦଳପୁର ଥାନା ଅନ୍ତର୍ଗତ ପୂଝାରୀପାଲି ଗ୍ରାମ ଠାରେ ବରଗଡ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସହାୟ ମିନା ଙ୍କ ନିର୍ଦେଶ କ୍ରମେ ପୋଲିସର ଏକ ଜନସମ୍ପର୍କ ତଥା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ଜଗଦଳପୁର ଥାନା ଧିକାରୀ କୈଳାଶ ଚନ୍ଦ୍ର ପ୍ରଧାନ ସଭାକାର୍ଯ୍ୟ ପରିଚାଳନା କରିଥିଲେ l ଗ୍ରାମର ଅବସର ପ୍ରାପ୍ତ ଶିକ୍ଷକ ସୁରେଶ ସାହୁ ଅତିଥିଙ୍କୁ ସ୍ୱାଗତ ସମ୍ଭାଷଣ କରିଥିଲେ l ବରଗଡ ପୋଲିସ ଆର ଆଇ ଶାନ୍ତନୁ ପଧାନୀ କାର୍ଯ୍ୟକ୍ରମର ଉଦେଶ୍ୟ ତଥା ଜନସାଧରଣଙ୍କୁ ପୋଲିସ ସହ ସୁସମ୍ପର୍କ ସ୍ଥାପନ, ମାଓବାଦୀ କାର୍ଯ୍ୟ କଳାପରୁ ଦୂରେଇରହିବା ପାଇଁ ସାଧାରଣଙ୍କୁ ନିବେଦନ କରିଥିଲେ l

ଏହି ପରିପେକ୍ଷୀରେ ଆୟୋଜିତ ସଭାରେ ଗ୍ରାମର ଗୌନ୍ତିଆ ବେଣୁଧର ସାହୁ, ନିତ୍ୟାନନ୍ଦ ପ୍ରଧାନ, ଟୁନା ଡନସନା,ପଦ୍ମପୁର ଉପଖଣ୍ଡ ଆରକ୍ଷୀ ଅଧିକାରୀ ଆଇ.ପି.ଏସ ଅମ୍ରିତ ପାଳ କୌର ମୁଖ୍ୟ ଅତିଥି ଭାବେ ଯୋଗଦେଇ ଥିଲେ l ମୁଖ୍ୟ ଅତିଥି ସମବେଷିତ ମହିଳା, ପୁରଷ, ବୟୋଜ୍ଯଷ୍ଠ ବ୍ୟକ୍ତି ବିଶେଷ, ଛାତ୍ରଛାତ୍ରୀଙ୍କୁ ଶାଢ଼ୀ, କମ୍ବଳ, ଘର ଉପକରଣ, ଛତା, ଖାତାପତ୍ର, ପେନସିଲ ଇତ୍ୟାଦି ବଣ୍ଟନ କରିଥିଲେ l କାର୍ଯ୍ୟକ୍ରମଟି ଗ୍ରାମର ଭଦ୍ର ବ୍ୟକ୍ତି ତଥା ଜଗଦଳପୁରଥାନା ପୋଲିସ ର ଏ.ଏସ.ଆଇ ଦେବାର୍ଚନ ଖୁମରା ଓ ଷ୍ଟାଫ , ଡି.ଭି.ଏଫଙ୍କ ମିଳିତ ସହଯୋଗରେ ସୁଚାରୁରୂପେ ଅନୁଷ୍ଠିତ ହୋଇଥିଲା l ପରିଶେଷରେରେ ଥାନାଧିକାରୀ ଶ୍ରୀଯୁକ୍ତ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l