ବୁଗୁଡ଼ା(ସୋରେନ କୁମାର ପ୍ରଧାନ)- ଶ୍ରୀ ବଳଦେବଜୀଉ ମହିଳା ଉଚ୍ଚମାଧ୍ୟମିକ ବିଦ୍ୟାଳୟ ର ୨୫ ତମ ବାର୍ଷିକ ଉତ୍ସବ ଅବସରରେ ଜନତା ଉଚ୍ଚବିଦ୍ୟାଳୟ ପ୍ରାଙ୍ଗଣରେ ବିଧିବଦ୍ଧ ଭାବେ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଅଧ୍ୟକ୍ଷ ମନୋଜ କୁମାର ସ୍ଵାଇଁ କ୍ରୀଡ଼ା ପ୍ରତିଯୋଗିତା ପତାକା ଉତ୍ତୋଳନ କରି କାର୍ଯ୍ୟକ୍ରମ ଉଦଘାଟନ କରିଥିଲ । କ୍ରୀଡ଼ାଶିକ୍ଷକ ସତ୍ୟଶ୍ରୀ କୁମାର ଜେନା କ୍ରୀଡ଼ା କାର୍ଯ୍ୟ ପରିଚାଳନା କରିଥିବା ବେଳେ ଗବେଷକ ବିଭୂତି ଭୂଷଣ ମିଶ୍ର ମୁଖ୍ୟଅତିଥି ଭାବେ ଯୋଗଦାନ କରିଥିଲେ । ଅଧ୍ୟାପକ ପ୍ରଭାକର ଡାକୁଆ କାର୍ଯ୍ୟକ୍ରମ କୁ ସଂଯୋଜନା କରିଥିଲେ ।
ଅନୁଷ୍ଠାନର ଶତାଧିକ ଛାତ୍ରୀ କ୍ରୀଡ଼ା କାର୍ଯ୍ୟକ୍ରମରେ ଭାଗ ନେଇଥିଲେ । ଆଜି କ୍ରୀଡ଼ା ମଧ୍ୟରେ ୧୦୦ ମି. ଓ ୨୦୦ ମି. ଦୌଡ଼ ପ୍ରତିଯୋଗିତା ହେବା ସହିତ ଲଙ୍ଗଜାମ୍ପ୍ ଓ ହାଇଜାମ୍ପ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଆସନ୍ତା କାଲି ପାଇଁ ମଧ୍ୟ ଅନ୍ୟାନ୍ୟ କ୍ରୀଡ଼ା ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ ହେବାକୁ ରହିଛି ବୋଲି କ୍ରୀଡ଼ା ଶିକ୍ଷକ ଶ୍ରୀଯୁକ୍ତ ଜେନା ମତ ପ୍ରକାଶ କରିଥିଲେ । ଅନୁଷ୍ଠାନର ଅନ୍ୟାନ୍ୟ ଅଧ୍ୟାପକ ଓ କର୍ମଚାରୀ ମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ ।
