ଅତାବିରା- ଅତାବିରା ବ୍ଳକ୍ ଅନ୍ତର୍ଗତ ଗଡତିଆପାଲି କ୍ଲଷ୍ଟର ଅନ୍ତର୍ଗତ ସରକାରୀ ପ୍ରାଥମିକ ବିଦ୍ୟାଳୟ ଭାଲୁଡୁଙ୍ଗୁରି ର ଛାତ୍ରୀ ଆରୁଶି ମେହେର ଙ୍କ ସମ୍ବର୍ଦ୍ଧନା ଉତ୍ସବ ସହ ପଞ୍ଚମ ଶ୍ରେଣୀ ଛାତ୍ର ଛାତ୍ରୀ ମାନଙ୍କୁ ବିଦାୟ କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଶିକ୍ଷା ବର୍ଷ ୨୦୨୩-୨୪ ରେ ଏହି ବିଦ୍ୟାଳୟର ପଞ୍ଚମ ଶ୍ରେଣୀ ର ଛାତ୍ରୀ ଆରୁଶି ମେହେର ଓଡ଼ିଶା ଆଦର୍ଶ ବିଦ୍ୟାଳୟ ଷଷ୍ଠ ଶ୍ରେଣୀ ପ୍ରବେଶିକା ପରୀକ୍ଷା ତଥା ନବୋଦୟ ପ୍ରବେଶିକା ପରୀକ୍ଷାରେ ସଫଳତାର ସହ ଯୋଗ୍ୟତା ଅର୍ଜନ କରିଥିବାରୁ ତାଙ୍କୁ ବିଦ୍ୟାଳୟ ତରଫରୁ ସମ୍ବର୍ଦ୍ଧନା ଦିଆ ଯାଇଥିଲା । ଏଥିରେ ମୁଖ୍ୟ ଅତିଥି ରୂପେ ବିଦ୍ୟାଳୟ ପରିଚାଳନା କମିଟି ର ଚେୟାରମେନ ମୋହନ ରାଓ, ସମ୍ମାନିତ ଅତିଥି ରୂପେ ଶିକ୍ଷକ ନିର୍ମଳ ନନ୍ଦ, ମନୋରଞ୍ଜନ ବାଗ, ବୁଗବୁଗା ସି.ଆର.ସି.ସି. ନନ୍ଦିଘୋଷ ଭୁଏ, କାଦୋବାହାଲ ସି.ଆର.ସି.ସି ତ୍ରିଲୋଚନ ସେଠ୍ ଛନ୍ଦପାଳି ସି.ଆର.ସି.ସି କେଶବ ଛନ୍ଦ,ଶିକ୍ଷକ କୈଳାସ ଭୁଏ,ଉପସ୍ଥିତ ଥିଲେ । ଆରୁଶି ମେହେର ଙ୍କୁ ଫୁଲତୋଡ଼ା, ମାନପତ୍ର ଏବଂ ମୋମେଣ୍ଟୋ ପ୍ରଦାନ କରାଯାଇଥିଲା । ବିଦ୍ୟାଳୟର ପ୍ରଧାନ ଶିକ୍ଷକ ବଳରାମ ମେହେର ସଭା କାର୍ଯ୍ୟ ପରିଚାଳନା କରିଥିବା ବେଳେ ଶିକ୍ଷୟିତ୍ରୀ ସୁକାନ୍ତି ଭୁଏ ଧନ୍ୟବାଦ୍ ଅର୍ପଣ କରିଥିଲେ ।