ଗାଇସିଲେଟ-ବରଗଡ଼ ଜିଲ୍ଲା ଗାଇସିଲେଟ ବ୍ଲକ କେନ୍ଦୁଭଟା ସ୍ଥିତ ଦେବଦତ୍ତ କ୍ଲବ ଠାରେ ଦେବଦତ୍ତ କ୍ଲବ ଆନୁକୁଲ୍ୟରେ ଭିଜନ ୨୦୨୫ ପାଇଁ ଦେବଦତ୍ତ କ୍ଲବ ସମ୍ପାଦକ ଶ୍ରୀଯୁକ୍ତ କାହ୍ନୁ ଚରଣ ମାଝୀଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ ହୋଇ ଯାଇଛି । ଉକ୍ତ ବୈଠକରେ ବିଜେପୁର ବିଧାୟକ ସନତ କୁମାର ଗଡତିଆ,ବ୍ଲକ ଅଧ୍ୟକ୍ଷ ପ୍ରଣୟ ସାହୁ , ବିଡିଓ ଲକ୍ଷ୍ମଣ ମାଝି ,ସମିତି ସଭ୍ୟ ସରୋଜ ଶ୍ରିଭୁଷଣ ସାହୁ, ୟୁଥ୍ କ୍ଳବ୍ ସଭାପତି ରଞ୍ଜନ ପଣ୍ଡା,ସମାଜସେବୀ ସୁଶାନ୍ତ ପଣ୍ଡା, ସାମ୍ବାଦିକ ସଞ୍ଜିବ ପୁରୋହିତ, ସାମ୍ବାଦିକ ଶିବ ପ୍ରସାଦ ବିଶ୍ବାଳ, ବରିଷ୍ଠ ନାଗରିକ ଶଶି ଭୂଷଣ ବରିହା, ଏବଂ ଅଞ୍ଚଳର ଅନେକ ବୁଦ୍ଧିଜୀବୀ ମାନେ ଯୋଗ ଦେଇଥିଲେ ।
ଗାଇସିଲେଟର ବିକାଶ ପାଇଁ ସମସ୍ତେ ଏକଜୁଟ ହୋଇ କାମ କରିବା ସହ ବିଶେଷ କରି ସ୍ବାସ୍ଥ୍ୟ, ଶିକ୍ଷା,ଗମନା ଗମନ,ଜଳସେଚନ,ପ୍ରତି ଗୁରୁତ୍ବ ଦେବାକୁ ବୈଠକ ରେ ନିଷ୍ପତି ନିଆଯାଇଥିଲା । ବିଶେଷ କରି ବର୍ତମାନ ନିଶା କାରବାରରେ ଲିପ୍ତ ହୋଇ ନଷ୍ଟ ହୋଇ ଯାଉଥିବା ଯୁବ ପିଢ଼ିଙ୍କ ବିଷୟରେ ଆଲୋଚନା କରି ବେଧଡକ ଚାଲିଥିବା ନିଶା କାରବାରକୁ ବନ୍ଦ କରିବା ପାଇଁ ସମସ୍ତେ ଦାବି କରିଥିବା ବେଳେ ସମସ୍ତ ସମସ୍ୟାର ସମାଧାନ କରିବା ପାଇଁ ଅଧିକାରୀ ଏବଂ ନିର୍ବାଚିତ ପ୍ରତିନିଧିମାନେ ପ୍ରତିଶ୍ରୁତି ଦେଇଥିଲେ । ପରିଶେଷରେ ଶେଷଦେବ ସାହୁ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।
