ଗାଇସିଲାଟ-ଗାଇସିଲାଟ ବ୍ଲକ କେନ୍ଦୁଭଟା ଦେବଦତ୍ତ କ୍ଲବ୍ ପରିସରରେ ବୁଢାସମ୍ବର, ସ୍ୱୟଂସିଦ୍ଧା, ବନସ୍ବତୀ ଓ ମା ମଙ୍ଗଳା କୃଷକ ଉତ୍ପାଦକ କମ୍ପାନୀ ମାନଙ୍କ ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବରେ ଗାଇସିଲାଟ ବ୍ଲକ ଅଧ୍ଯକ୍ଷ ପ୍ରଣୟ କୁମାର ସାହୁ, ସମ୍ମାନିତ ଅତିଥି ଭାବରେ ଗାଇସିଲାଟ ତହସିଲଦାର ଟିଟସ୍ ମହାନନ୍ଦିଆ, ସହକାରୀ କୃଷି ଅଧିକାରୀ ମଧୁସ୍ମିତା ମିଶ୍ର, ସହକାରୀ ଉଦ୍ୟାନ କୃଷି ଅଧିକାରୀ ପ୍ରିୟଙ୍କା ପ୍ରିୟଦର୍ଶିନୀ ମଲ୍ଲିକ, ସମାଜ ସେବି ସୁଶାନ୍ତ ପଣ୍ଡା,ଦେବଦତ୍ତ କ୍ଲବ ସଂପାଦକ କାହ୍ନୁଚରଣ ମାଝୀ ପ୍ରମୁଖ ଉପସ୍ଥିତ ଥିଲେ।
ହେମନ୍ତ ବାରିକ ଅତିଥି ପରିଚୟ ପ୍ରଦାନ କରିଥିବା ବେଳେ ଓ ଅତିଥି ମାନଙ୍କ ଦ୍ୱାରା ଦ୍ବୀପ ପ୍ରଜ୍ବଳନ କରାଯାଇଥିଲା l ପ୍ରତ୍ୟୋକ କମ୍ପାନୀ ମାନଙ୍କର ର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ମାନେ ନିଜ ନିଜ କମ୍ପାନୀ ମାନଙ୍କର ଆୟ ବ୍ୟୟ ପଠନ କରି ଆଗାମୀ ଦିନ କାମ ଉପରେ ଆଲୋଚନା କରିଥିଲେ ।ମୁଖ୍ଯ ଅତିଥି ଶ୍ରୀଯୁକ୍ତ ସାହୁ ଚାଷୀ ମାନଙ୍କୁ ନିଜ ଉତ୍ପାଦିତ ଫସଲ ପନିପରିବା କମ୍ପାନୀ ମାଧ୍ୟମରେ ବିକ୍ରୟ କରି ଲାଭବାନ ହେବାକୁ ବୁଝାଇଥିଲେ।
ସମ୍ମାନିତ ଅତିଥି ଟିଟସ୍ ମହାନନ୍ଦିଆ ଚାଷୀ ମାନଙ୍କୁ ଚାଷ ବିଷୟରେ କହି ଉତ୍ସାହିତ କରିଥିଲେ। ମିଶ୍ର ମ୍ୟାଡମ୍ ଧାନ ବ୍ୟତୀତ ଅନ୍ୟ ଚାଷ କରି ଆହୁରି ଲାଭବାନ ହୋଇ ପାରିବେ, ସେ ବିଷୟରେ ସମ୍ଯକ ଧାରଣା ଦେଇଥିଲେ। ମଲ୍ଲିକ ମ୍ୟାଡମ୍ ତାଷୀ ମାନଙ୍କୁ ଅଣଧାନ ଚାଷ କରିବା ପାଇଁ ପରାମର୍ଶ ଦେଇଥିଲେ।ଶେଷରେ ବ୍ଲକ୍ ସଂଯୋଜକ ଶେଷଦେବ ସାହୁ ଧନ୍ଯବାଦ ଅର୍ପଣ କରିଥିଲେ।
