ଭେଡେନ(ଭବାନୀ ଶଙ୍କର ପାଢୀ)-ଥୁଆପାଲି ନ୍ୟୁ ଡନବସ୍କୋ ଏକାଡେମୀର ୩୭ତମ ବାର୍ଷିକ ଉତ୍ସବ ପାଳିତ ହୋଇଯାଇଛି। ଏହାକୁ ସଂଯୋଜନା କରିଥିଲେ ମୀନତି ପାଢ଼ୀ ଓ ଓଁ ପ୍ରକାଶ ପଣ୍ଡା। ଏହି ଉତ୍ସବରେ ବିଦ୍ୟାଳୟର ପ୍ରିନ୍ସିପାଲ ବସନ୍ତ କୁମାର ସାହୁ ସଭାପତିତ୍ବ କରିଥିଲେ । ମୁଖ୍ୟ ଅତିଥି ଭାବେ ଲରମ୍ଭା ମହାବିଦ୍ୟାଳୟର ଅଧ୍ୟାପକ ପ୍ରଦୀପ କୁମାର ପଣ୍ଡା, ସମ୍ମାନିତ ଅତିଥି ଭାବେ ସମ୍ବଲପୁର ୟୁନିଭରସିଟିର ଏସିଏସଟିସି ସଂଗଠନ ସଭାପତି ନୀହାଲ ସିଂ, ହାସ୍ୟ ଅଭିନେତା ବିନ୍ଦୁ , ଏକାଡେମୀର ଅଭିଭାବକ ପ୍ରତିନିଧି ଗୋପାଳ ସେଠ, ଏନ.ଡି.ବି.ଏ ଡାଇରେକ୍ଟର ସୁନୀଲ ସିଂ ଯୋଗଦେଇ ଶିକ୍ଷା ସମନ୍ଧରେ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ ।
ଏହି ଅବସରରେ ବିଭିନ୍ନ ବିଭାଗରେ କୃତୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରିଥିଲେ। ଏକାଡେମୀ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଏଥିରେ ଏକାଡେମୀ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ପ୍ରାକ୍ତନ ଶିକ୍ଷକ ଅତୁଲ୍ୟ କୁମାର ମହାନନ୍ଦ, କଳା ଓ ସଂସ୍କୃତି ବିଭାଗ ପକ୍ଷରୁ ଓଁ ପ୍ରକାଶ ପଣ୍ଡା ଉପସ୍ଥିତ ରହି ସହଯୋଗ କରିଥିଲେ। ପରିଶେଷରେ ରକ୍ଷା ଅଗ୍ରୱାଲ ଧନ୍ୟବାଦ ଅର୍ପଣ କରିଥିଲେ।
