ଗାଇସିଲେଟ-ଚଳିତ ବର୍ଷ ସାର୍ବଜନୀନ ଦୁର୍ଗାପୂଜା ପାଇଁ ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅନ୍ତର୍ଗତ ଗୁଦେରପାଲି ଗାଁରେ ପୁର୍ବତନ ପୂଜା କମିଟିର ଆହ୍ବାନ କ୍ରମେ ସ୍ଥାନୀୟ ଦୁର୍ଗାମଣ୍ଡପ ଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ପ୍ରଥମେ ବିଗଗତ ବର୍ଷର ପାର୍ବଣରେ ଖର୍ଚ୍ଚ ହୋଇଥିବା ଆୟ ବ୍ଯେୟ ବିଷୟରେ ଆଲୋଚନା ହୋଇଥିଲା।ସର୍ବ ସମ୍ମତି କ୍ରମେ ଚଲିତ ବର୍ଷ ପୂଜା କମିଟି ପାଇଁ ସ୍ଥାନୀୟ ସରପଞ୍ଚ ରାମଚନ୍ଦ୍ର ପାତ୍ରଙ୍କୁ ସଭାପତି, ଝସକେତନ ପଧାନ ସମ୍ପାଦକ,ସଜନ କେଡିଆ ସହସମ୍ପାଦକ ଏବଂ ମାଧବାନନ୍ଦ ଦେବତାଙ୍କୁ କୋଷାଧ୍ୟକ୍ଷ ଭାବେ ମନୋନୀତ କରାଯାଇଛି।
ଷଷ୍ଠୀ ଦିନ ବିଲ୍ଵବ ବରଣ ଠାରୁ ଆରମ୍ଭ କରି ପାଞ୍ଚଦିନ ବ୍ୟାପି ହେବାକୁ ଥିବା ସାର୍ବଜନୀନ ଦୁର୍ଗାପୂଜା ପାଇଁ ପୁସ୍ତକାଚାର୍ଯ୍ୟ ଭାବେ ପଣ୍ଡିତ ରିଙ୍କୁ ଦେବତା,ତରଣୀସେନ ଦେବତା ଏବଂ ଜଗନ୍ନାଥ ଦେହେରୀ ପୂଜାକାର୍ଯ୍ୟ ସମ୍ପାଦନ କରିବେ ବୋଲି,ଆଲୋଚନା ହୋଇଥିବା ବେଳେ ସଜନ କେଡିଆ ଏବଂ ତାଙ୍କ ପତ୍ନୀ ସନୁ କେଡିଆ କର୍ତ୍ତା କାର୍ଯ୍ୟ ନିର୍ବାହ କରିବେ। ପ୍ରତିବର୍ଷ ଭଲି ଚଲିତ ବର୍ଷ ମଧ୍ୟ ପ୍ରତିଦିନ ସଂଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ରାମଲିଲା ଅନୁଷ୍ଠିତ ହୋଇ ବିଜୟା ଦଶମୀ ଦିନ କଲେଜ ପଡ଼ିଆରେ ରାବଣ ପୋଡି ମହୋତ୍ସବ ଅନୁଷ୍ଠିତ ହେବା ପାଇଁ ସ୍ଥିରୀକୃତ ହୋଇଛି।
