ଗାଇସିଲେଟ-ଗାଇସିଲେଟ ବ୍ଲକ ଅନ୍ତର୍ଗତ ଗୁଦେରପାଲି ଯୁକ୍ତ ଦୁଇ କଳା ମହାବିଦ୍ୟାଳୟରେ ଅଧ୍ୟକ୍ଷ ପ୍ରୀତିଶ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଛାତ୍ରଛାତ୍ରୀଙ୍କ ରକ୍ତ ନମୁନା ବର୍ଗୀକରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ମହାବିଦ୍ୟାଳୟ ପରିଚାଳନା କମିଟୀର ସଂପାଦକ କିଶୋର ଚନ୍ଦ୍ର ଦେବତା,ଜିଲ୍ଲା ରେଡ଼କ୍ରସ ସଂଯୋଜକ ଡ.ପରମାନନ୍ଦ ରଥ,ଯତୀନ୍ଦ୍ର କୁମାର ସାହୁ ଅଧ୍ୟାପକ ଜେ.ଡି ମହିଳା ମହାବିଦ୍ୟାଳୟ ,କଦଲୀପାଲିଙ୍କ ସମେତ ପ୍ରତାପ ମିଶ୍ର ପ୍ରାଧ୍ୟାପକ,ସୋହେଲା ମହାବିଦ୍ୟାଳୟ ଉପସ୍ଥିତ ଥିଲେ।
ଡାକ୍ତର ନିର୍ମଳ ଦେବତା ଓ ତାଙ୍କ ଦୁଇ ଜଣ କର୍ମଚାରୀଙ୍କ ତତ୍ତ୍ବାବଧାନରେ ସମସ୍ତ ଛାତ୍ରଛାତ୍ରୀଙ୍କ ରକ୍ତ ବର୍ଗୀକରଣ ଚିହ୍ନଟ କରାଯାଇଥିଲା । କାର୍ଯ୍ୟକ୍ରମରେ ଅଧ୍ୟାପିକା ଲୋପାମୁଦ୍ରା ପ୍ରଧାନ,ଅଧ୍ୟାପକ ପ୍ରତାପ ହଂସ, ମୁକେଶ ସାହୁ, ଚମ୍ପେଶ୍ବର ସେଠ, ହେତୁ ପାତ୍ର, ଲିଙ୍ଗ ହାତୀ, ଜୟଦେବ ବିଶ୍ବାଲ ସାହାର୍ଯ୍ୟ କରିଥିଲେ । ୟୁଥ ରେଡ଼କ୍ରସ କାଉନସିଲର ଅର୍ଚ୍ଚନା ଦାଶ ଓ ନରେନ୍ଦ୍ର ଦେହେରୀ ସଭାକୁ ଆୟୋଜନ କରିବା ସଙ୍ଗେ ସଙ୍ଗେ ଛାତ୍ରଛାତ୍ରୀଙ୍କୁ ରେଡ଼କ୍ରସ ସହ ଜଡିତ ହେବାପାଇଁ କହିଥିଲେ ।
୬୧ ଜଣ ଛାତ୍ରୀ ଏବଂ ୩୯ଜଣ ଛାତ୍ରଙ୍କ ରକ୍ତ ନମୁନା ବର୍ଗୀକରଣ ପରୀକ୍ଷା କରାଯାଇଥିଲା। ଏଥିରେ ଓ-ପୋଜିଟିଭ ୩୯ ଜଣ, ଏ-ପୋଜିଟିଭ ୩୦ଜଣ,ବି-ପୋଜିଟିଭ ୨୭ଜଣ ଏବଂ ଏବି-ପୋଜିଟିଭ ୪ଜଣ ଛାତ୍ରଛାତ୍ରୀ ଥିବା ଯଣାପଡିଛି।
