ଗାଇସିଲେଟ-ଗାଇସିଲେଟ ବ୍ଲକ ଅନ୍ତର୍ଗତ ଗୁଦେରପାଲି ଯୁକ୍ତ ଦୁଇ କଳା ମହାବିଦ୍ୟାଳୟରେ ଅଧ୍ୟକ୍ଷ ପ୍ରୀତିଶ କୁମାର ପଣ୍ଡାଙ୍କ ଅଧ୍ୟକ୍ଷତାରେ ବିଦାୟ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ପରିଚାଳନା କମିଟୀର ସଭାପତି କିଶୋର ପାତ୍ର,ସଂପାଦକ ଚାଷୀନେତା କିଶୋର ଚନ୍ଦ୍ର ଦେବତା,ଉପଦେଷ୍ଟା ଶିବ ପଧାନ ମଞ୍ଚାସିନ ହୋଇଥିଲେ।ଅଧ୍ୟାପିକା ଅର୍ଚ୍ଚନା ଦାଶ ସଭା ପରିଚାଳନା କରିଥିବା ବେଳେ ଅଧ୍ୟାପିକା ଲୋପାମୁଦ୍ରା ପ୍ରଧାନ ଧନ୍ୟବାଦ ଅର୍ପଣ କରିଥିଲେ।
ପ୍ରଥମ ବର୍ଷର ଛାତ୍ରଛାତ୍ରୀ ମାନେ ଦ୍ବିତୀୟ ବର୍ଷର ଛାତ୍ରଛାତ୍ରୀଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ। ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଅଧ୍ୟାପକ ପ୍ରତାପ ହଂସ, ମୁକେଶ ସାହୁ, ଚମ୍ପେଶ୍ବର ସେଠ, ହେତୁ ପାତ୍ର, ଲିଙ୍ଗ ହାତୀ, କୁଶ ପାତ୍ର ସହଯୋଗ କରିଥିଲେ।
