ଅତାବିରା(ସୁରେନ୍ଦ୍ର କଠାର)-ଅତାବିରା ବ୍ଲକ ଅଧିନ ଗମ୍ଭାରୀପାଲି କୃଷି ବିଜ୍ଞାନ କେନ୍ଦ୍ରରେ ୨୨ତମ ବୈଜ୍ଞାନିକ ଉପଦେଷ୍ଟା ମଣ୍ଡଳୀର ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଭୁବନେଶ୍ବର ସ୍ଥିତ ବୈଷୟିକ ବିଶ୍ବ ବିଦ୍ୟାଳୟର ସଂପ୍ରସାରଣ ଡିନ୍ ପ୍ରଫେସର ଡଃ ପ୍ରସନ୍ନଜିତ ମିଣ୍ଡ ଅଧ୍ୟକ୍ଷତା କରିଥିଲେ ।
ବୈଠକର ପ୍ରାରମ୍ଭରେ ବରିଷ୍ଠ ବୈଜ୍ଞାନିକ ନୃସିଂହ ଚରଣ ବାରିକ,କେନ୍ଦ୍ରର ସବିଶେଷ କାର୍ଯ୍ୟାବଳୀ ଓ ଆଗାମୀ ବର୍ଷର କାର୍ଯ୍ୟସୂଚୀ ଉପରେ ବିବରଣୀ ପାଠ କରିଥିଲେ । ଏହି ବୈଠକରେ କୋଲକତା ସ୍ଥିତ ଭାରତୀୟ କୃଷି ଗବେଷଣା ପ୍ରତିଷ୍ଠାନର ପ୍ରମୁଖ ବୈଜ୍ଞାନିକ ଡଃ ପାର୍ଥ ପ୍ରିତମ ପାଲ ବୈଷୟିକ ଦିଗ ଉପରେ ଆଲୋଚନା କରିଥିଲେ । ଏଥିରେ ଜିଲାସ୍ତରୀୟ ଅନନ୍ୟ ବିଭାଗୀୟ ଅଧିକାରୀ ଯୋଗଦେଇଥିଲେ ।
