ବରପାଲି-ବରପାଲି ରେଲୱେ ଷ୍ଚେସନ ଅଞ୍ଜଳରୁ ୨୩କେଜି ୬୫୦ ଗ୍ରାମ ଗଞ୍ଜେଇ ନେଉଥିବା ଦୁଇ ମହିଳା ସମେତ ଜଣେ ପୁରୁଷକୁ ପୋଲିସ ଗିରଫ କରିପାରିଛି। ସ୍ଥାନିୟ ରେଳଷ୍ଟେସନ ନିକଟସ୍ଥ ଯୋଗୀମୁଣ୍ଡା ଶିବମନ୍ଦିର ନିଛାଟିଆ ସ୍ଥାନରେ ଦୁଇଜଣ ମହିଳା ଓ ଜଣେ ପୁରୁଷ ସନ୍ଦିଗ୍ଧ ଭାବରେ ବୁଲୁଥିବା ଦେଖିବାକୁ ମିଳିଥିଲା। ପୋଲିସ ବିଶ୍ବସ୍ତ ସୂତ୍ରରୁ ଖବର ପାଇ ଘଟଣାସ୍ଥଳରେ ପହଞ୍ଜିଥିଲା। ସନ୍ଦିଗ୍ଧ ମାନଙ୍କ ହାବଭାବ ଓ ଭଙ୍ଗି ଅନୁମାନକୁ ନେଇ ପଚାଉଚରା ଆରମ୍ଭ କରିବା ସହ ସେମାନଙ୍କ ପାଖରେ ରହିଥିବା ପାକେଟକୁ ଯାଞ୍ଚ କରିଥିଲା। ଅନୁସନ୍ଧାନ ଚାଲିଥିବା ବେଳେ ୨୩ କେଜି ୬୫୦ ଗ୍ରାମ ଗଞ୍ଜେଇ , ଦୁଇଟି ମୋବାଇଲ୍ ଫୋନ୍ ଓ ନଗଦ ୧୦୧୦ ଟଙ୍କା ଜବତ କରିଥିଲା ।
ପରେ ଅଭିଯୁକ୍ତ ଦୁଇ ମହିଳା ଓ ଜଣେ ପୁରୁଷକୁ ପୋଲିସ ଥାନାକୁ ଆଣି ଖୋଳତାଡ ଆରମ୍ଭ କରିଥିଲା। ପୋଲିସର ସୁଚନା ମତେ ସମସ୍ତେ ମଧ୍ୟପ୍ରଦେଶ ଅଞ୍ଚଳର ହୋଇଥିବା ବେଳେ ବଲାଙ୍ଗିର ଅଞ୍ଜଳରେ ଶ୍ରମିକ ଭାବରେ କାମ କରୁଥିବା ଜଣା ପଡିଥିଲା। ହେଲେ ଏମାନେ ବରପାଲି କାହିଁକି ଓ କେଉଁ ଉଦେଶ୍ୟରେ ଆସିଥିଲେ ସ୍ବଷ୍ଟ ହୋଇପାରିନାହିଁ। ପୋଲିସ ଘଟଣାର ତଦନ୍ତ ପ୍ରକ୍ରିୟାକୁ ଜାରି ରଖିଛି। ପରେ ନିଜ ତତ୍ବାଧାନରେ ବିଚାର ବିଭାଗିୟ ଅଦାଲଦକୁ ଚାଲାଣ କରିଥିବା ଜଣାପଡିଥିଲା ।
