ପଦ୍ମପୁର-ରାଜବୋଡାସମ୍ବର ବ୍ଲକ ଅନ୍ତର୍ଗତ ଗଙ୍ଗାଧର ମେହେର ସରକାରୀ ଉଚ୍ଚ ବିଦ୍ୟାଳୟ, ଦହିତା ଠାରେ ଅଣ୍ଡର ୧୪ ଓ ଅଣ୍ଡର ୧୭ ବାଳକ,ବାଳିକା କବାଡି ଖେଳାଳୀ ଚୟନ ହୋଇଯାଇଛି। ଏଥିରେ ବ୍ଲକ ସଭାପତି ଶ୍ରୀଯୁକ୍ତ ଲୋକନାଥ ଭୋଇ , ଗୋଷ୍ଠୀ ଶିକ୍ଷା ଅଧିକାରୀ, ରାଜବୋଡାସମ୍ବର ବ୍ଲକ, ପଦ୍ମପୁର,ମୁଖ୍ୟ ଅତିଥି ଶ୍ରୀଯୁକ୍ତ ମକରଧ୍ବଜ ବଘାର,ଜିଲ୍ଲା ପରିଷଦ ସଦସ୍ୟ, ସମ୍ମାନିତ ଅତିଥି ଶ୍ରୀଯୁକ୍ତ ଉପେନ୍ଦ୍ର ପଟେଲ, ଅଧ୍ୟକ୍ଷ ବିଦ୍ୟାଳୟ ପରିଚାଳନା କମିଟି, ପ୍ରଧାନ ଶିକ୍ଷକ ଶ୍ରୀଯୁକ୍ତ କ୍ଷୀରସିନ୍ଧୁ ସୁନା ମଞ୍ଚାସୀନ ରହିଥିଲେ।
ମାଙ୍ଗଳିକ କାର୍ଯ୍ୟକ୍ରମ ରେ ଛାତ୍ରୀ ମାନେ ସୋନାଲିକା ଶବରଙ୍କ ନିର୍ଦ୍ଦେଶନା ରେ ମଙ୍ଗଳଗୀତିକା ସହ ପୂଜା ମନ୍ତ୍ର ଉଚ୍ଚାରଣ କରିଥିଲେ। ଅତିଥିମାନଙ୍କ ସ୍ବାଗତ ପରେ ମାର୍ଚ ଫାଷ୍ଟ ଅନୁଷ୍ଠିତ ହୋଇ ସଭାପତି ଓ ଅତିଥିମାନଙ୍କ କର କମଳରେ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରି କ୍ରୀଡା କୁ ଶୁଭ ଉଦ୍ଘାଟନ କରିଥିଲେ। ଶ୍ରୀଯୁକ୍ତ କ୍ଷୀରୋଦ୍ର କୁମାର ଦାସ ସଭା ପରିଚାଳନା କରିଥିଲେ।କବାଡି ପ୍ରତିଯୋଗିତା ରେ ବ୍ଲକ ର ୪ ଟି ସବ୍ ଜୋନ୍ ର ୧୬୦ ଜଣ ଖେଳାଳୀ ଅଂଶଗ୍ରହଣ କରିଥିଲେ।
ଏଥିରେ ପଦ୍ମପୁର ସବ୍ ବ୍ଲକ ସମସ୍ତ ବିଭାଗରେ ବିଜେତା ଓଉପବିଜେତା ହୋଇ ଗୌରବ ହାସଲ କଲେ।କ୍ରୀଡ଼ା ଶିକ୍ଷକ ଶ୍ରୀଯୁକ୍ତ କ୍ଷୀରୋଦ୍ର ଦାସ,ଧରମ୍ ବେହେରା, ଗୋବର୍ଦ୍ଧନ ମିଶ୍ର, ଓ କ୍ରୀଡ଼ା ଶିକ୍ଷୟିତ୍ରୀ ନିଲିମାରାଣୀ ମହାନ୍ତି ଖେଳ ପରିଚାଳନା କରିଥିଲେ। ଶେଷରେ ବିଦ୍ୟାଳୟ ର ବରିଷ୍ଠ ଶିକ୍ଷକ ଶ୍ରୀଯୁକ୍ତ କ୍ଷୀରୋଦ୍ର ନାଥ ସାହୁ ଧନ୍ୟବାଦ ପ୍ରଦାନ କରିଥିଲେ।
