କୁଚିଣ୍ଡା(ତପନ ଦାଶ)- କୁଚିଣ୍ଡା ପୋଲିସ କୁଚିଣ୍ଡା ଥାନା ଅନ୍ତର୍ଗତ ବିଭିନ୍ନ ଗାଁରେ ଚଢ଼ାଉ କରି ବିପୁଳ ପରିମାଣରେ ମହୁଲି ମଦ ଜବତ କରି ସେଗୁଡିକୁ ନଷ୍ଟ କରିଥିବା ନେଇ ସୂଚନା ଦେଇଛନ୍ତି ଏସ୍ଡ଼ିପିଓ ଅମିତାଭ ପଣ୍ଡା l ମହୁଲି ମଦ ରନ୍ଧାହୋଇ ବିକ୍ରି ହୋଉଥିବା ଖବର ପାଇ ଆଜି ପୋଲିସର ଏକ ଟିମ ରେଙ୍ଗାଲବେଡା, ବାବେଜୋରୀ, ଠିଆନାଲ, ଝାରମୁଣ୍ଡା, ଆଦି ସ୍ଥାନରେ ଚଢ଼ାଉ କରିଥିଲା।
ଅନେକଙ୍କ ଘରୁ ବିପୁଳ ପରିମାଣରେ ମହୁଲି ମଦ ପାଇଥିବା ବେଳେ ସେଗୁଡିକୁ ନଷ୍ଟ କରିଦିଆଯାଇଥିଲା । ଆଗକୁ ଦୁର୍ଗାପୂଜା ଥିବାରୁ ପୋଲିସ ଏବେଠାରୁ ଚଢ଼ାଉ ଆରମ୍ଭ କରିଦେଇଥିବା ବେଳେ ପେଟ୍ରୋଲିଙ୍ଗ ମଧ୍ୟ ଜୋରସୋର କରାଯାଉଛି । ଏ ସଙ୍କ୍ରାନ୍ତରେ କୁଚିଣ୍ଡା ଥାନା କେଶ ନମ୍ବର 402 U/s 52(a) The Odisha Excise Act 2008 ଧାରା ରେ ମାମଲା ରୁଜୁ କରି ଅଧିକ ତଦନ୍ତ ଚାଲିଥିବା ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି ।
