ପଦ୍ମପୁର-ପଦ୍ମପୁର ପୋଲିସ ଏକ ବଡ଼ ଧରଣର କଫ ସିରଫ ବ୍ୟବସାୟୀଙ୍କୁ ଧରିବାରେ ସଫଳ ହୋଇଛନ୍ତି। ବିଶ୍ବସ୍ଥ ସୂତ୍ରରୁ ଖବର ପାଇ ଏକ ପୋଲିସ ଟିମ ମହୁଲପାଲି ପୋଲ ନିକଟରେ ଛପି ରହିଥିଲେ। କିଛି ସମୟ ପରେ ଓଡି ୧୭ ଏ ୦୭୬୩କୁ ଅଟକ ରଖି ତନଖି ଆରମ୍ଭ କରିଥିଲେ।କାର ଡ଼ିକିରୁ ୪୮୦ ବୋତଲ କଫ ସିରଫ ପାଇଥିଲେ।କଫ ସିରଫ ଟ୍ରାନ୍ସପୋର୍ଟିଂ କରୁଥିବା ଖଇରା ଗ୍ରାମର ରାଜୀବ ମେହେର,ଲୋହାରପାଲିର ଅଜିତ ସେଠ,ପାଇକମାଲ ଥାନା ସାଲେପାଲିର ନୀଳ ତାଣ୍ଡିକୁ କାବୁ କରିଥିଲେ।
ଅଭିଯୁକ୍ତମାନେ ଏହି ବେଆଇନ କାମରେ ପଦ୍ମପୁରର ଏମଡି.ସାହିଲ,ପ୍ରତାପ ପ୍ରଧାନ,ଚନ୍ଦନ ସରାଫ ଓ ଚାରପାଲିର ତନ୍ମୟ ନାଗଙ୍କ ସମ୍ପୃକ୍ତି ଥିବା ବୟାନ କରିଥିବାରୁ ସମସ୍ତ ସାତ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚଲାଣ କରିଥିବା ପୋଲିସ ସୂତ୍ରରୁ ପ୍ରକାଶ। ଅଭିଯୁକ୍ତ ମାନଙ୍କ ଦ୍ୱାରା ବ୍ୟବହୃତ କାର ସମେତ ଓଡି ୧୭ ପି ୩୪୭୫,ଓଡି ୧୭ ୱାଇ ୭୩୨୭କୁ ଜବତ କରିଛି ପୋଲିସ ।
