ବରଗଡ଼- କନଗାଁ କ୍ଲଷ୍ଟରର ସମସ୍ତ ବିଦ୍ୟାଳୟରେ ଶିକ୍ଷା ସପ୍ତାହ ପାଳନ ଅବସରରେ ଆଜି ସାସ୍କୃତିକ ଦିବସ ପାଳିତ ହୋଇଯାଇଛି । ବୁଡ଼ାମାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଏହି ଅବସରରେ ଛାତ୍ର ଛାତ୍ରୀମାନେ ମନୋମୁଗ୍ଧକର ନୃତ୍ଯ ଗୀତ ସହ କୀର୍ତ୍ତନ କରି ସାଂସ୍କୃତିକ ଦିବସ ପାଳନ କରିଥିଲେ । ଅପରାହ୍ନରେ ପ୍ରଧାନଶିକ୍ଷକ ବୁଦ୍ଧଦେବ ସାହୁଙ୍କ ସଭାପତିତ୍ବ ଅନୁଷ୍ଠିତ ସାସ୍କୃତିକ କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବେ ବିଶିଷ୍ଟ କଳାକାର ପଞ୍ଚମ ବେହେରା, ସମ୍ମାନୀତ ଅତିଥି ଭାବେ ସାମ୍ବାଦିକା ଜୋଗୀତା ସାହୁ, ପରିଚାଳନା କମିଟିର ସଭାପତି ଶେଷଦେବ ବେହେରା , ମୁଖ୍ଯ ବକ୍ତା ଭାବରେ ସି ଆର ସି ସି କେଦାରନାଥ ସାହୁ ଯୋଗଦେଇ ଶିକ୍ଷା ସପ୍ତାହ ବିଷୟରେ ବକ୍ତବ୍ଯ ପ୍ରଦାନ କରିଥିଲେ । ଏହାପରେ ଛାତ୍ର ଛାତ୍ରୀ ମାନେ କୀର୍ତ୍ତନ, ସମ୍ବଲପୁରୀ ନୃତ୍ଯ , ଗୀତ ପରିବେଷଣ କରିଥିଲେ । ବରିଷ୍ଠ ଶିକ୍ଷକ ତୁଷାରକାନ୍ତ ସାହୁ ଅତିଥି ପରିଚୟ ଉଦ୍ଦେଶ୍ଯ ଜ୍ଞାପନ କରିଥିବା ବେଲେ ବାଳମୁକୁନ୍ଦ ବାରିକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ପରିଚାଳନାରେ ତୁଲସୀରାମ ପାଣୀ, ରୁକ୍ମିଣୀ ପଧାନ ତଥା ପରିଚାଳନା କମିଟିର ସମସ୍ତ ସଦସ୍ଯ ସଦସ୍ଯା ସହଯୋଗ କରିଥିଲେ ।