ପଦ୍ମପୁର-ସ୍ଥାନୀୟ ଟାଉନ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ରାଜବୋଡ଼ାସମ୍ବର ବ୍ଲକ୍ ଓଷ୍ଟା ଆନୁକୁଲ୍ୟରେ ବ୍ଲକ୍ ସ୍ତରୀୟ ଶିଶୁ ଉତ୍ସବ ବ୍ଲକ ସଭାପତି ଶ୍ରୀ ପ୍ରମୋଦ ନାଥଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏହି ସଭାରେ ପଦ୍ମପୁର ସମବାୟ ସମିତିର ସଭାପତି ଶ୍ରୀ ପ୍ରୀତମ୍ ମେହେର ମୁଖ୍ୟ ଅତିଥି ଭାବରେ ଯୋଗଦନ କରିଥିଲେ। ଅନ୍ୟ ସମ୍ମାନୀତ ଅତିଥି ଭାବରେ ସହ ବ୍ଲକ ଶିକ୍ଷାଅଧିକାରୀ ଶ୍ରୀ ଶିବପ୍ରସାଦ ଯୋଶୀ, ଶ୍ରୀ ରାମ ସିଂ ଭୋଇ, ଶ୍ରୀ ପ୍ରୀତିରଞ୍ଜନ ପ୍ରଧାନ, ଶ୍ରୀ ଚୂଳସୁନ୍ଦର ମେହେର, ସ୍କୁଲର ପ୍ରଧାନ ଶିକ୍ଷକ ଶ୍ରୀ ତରଣୀ ସେନ ସାହୁ, ବ୍ଲକ ସମ୍ପାଦକ ଶ୍ରୀ ରବି ଶଙ୍କର ପଧାନ ଓ ପୂର୍ବତନ ସମ୍ପାଦକ ଶ୍ରୀ ପ୍ରସନ୍ନ ମେହେର ମଞ୍ଚାସୀନ ଥିଲେ।
ସର୍ବପ୍ରଥମେ ଅତିଥି ମାନଙ୍କ ଦ୍ୱାରା ଶ୍ରୀ ଗଣେଶ ଓ ମା ସରସ୍ଵତୀଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ଦୀପ ପ୍ରଜ୍ଜ୍ୱଳନ କରାଯାଇଥିଲା । ସ୍ଥାନୀୟ ବିଦ୍ୟାଳୟର ଛାତ୍ରଛାତ୍ରୀ ମାନେ ସ୍ବାଗତ ସଙ୍ଗୀତ ଗାନ କରିଥିଲେ। ଏହି ଉତ୍ସବରେ ବିଭିନ୍ନ ପ୍ରତିଯୋଗୀତା ଯଥା ତର୍କ, କଣ୍ଠ ସଙ୍ଗୀତ, ଗଳ୍ପ ରଚନା, କବିତା ରଚନା,ଚିତ୍ରାଙ୍କନ, କବିତା ଆବୃତ୍ତି, ସାଧାରଣ ଜ୍ଞାନ, କୁଇଜ୍, ଏକକ ଅଭିନୟ ଓ ଏକକ ନୃତ୍ୟ। ଉଦଯାପନୀ ଉତ୍ସବରେ କୃତୀ ପ୍ରତିଯୋଗୀଙ୍କୁ ପୁରସ୍କୃତ କରା ଯାଇଥିଲା ।
ଏହି ସମସ୍ତ ପୁରସ୍କାର ପୂର୍ବତନ ସମ୍ପାଦକ ଶ୍ରୀ ମେହେର ପ୍ରାୟୋଜିତ କରିଥିଲେ। ପ୍ରଥମ ଓ ଦ୍ବିତୀୟ ସ୍ଥାନରେ ଥିବା ପ୍ରତିଯୋଗୀ ମାନେ ଆସନ୍ତା ଡ଼ିସେମ୍ବର ୨୨ ତାରିଖରେ ବରପାଲି ଠାରେ ହେବାକୁ ଥିବା ଜିଲ୍ଲାସ୍ତରୀୟ ପ୍ରତିଯୋଗୀତାରେ ଭାଗ ନେବେ। ଏହି କାର୍ଯ୍ୟକ୍ରମରେ ବିଚାରକ ଭାବରେ ଶ୍ରୀ ଅଶୋକ ବହିଦାର, ଶ୍ରୀ ରାଜେନ୍ଦ୍ର ମହାନ୍ତି, ଶ୍ରୀ ରମେଶ ଗୁର୍ଲ୍ଲା, ଶ୍ରୀ ଆଶିଷ ବୈକାର, ଶ୍ରୀ ଯୁଗଳ କିଶୋର ଭୋଇ, ଶ୍ରୀ ମିତ୍ରଭାନୁ ସାହୁ ଓ ଶ୍ରୀ ବୀରେନ୍ଦ୍ର ପ୍ରଧାନ ଯୋଗଦେଇ ପ୍ରତିଭା ଚୟନ କରିଥିଲେ। ଟାଉନ ଉଚ୍ଚ ବିଦ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ। ପରିଶେଷ ରେ ଶ୍ରୀ ମାର୍ତଣ୍ଡଦେବ ସାହୁ ଧନ୍ୟବାଦ ଅର୍ପଣ କରିଥିଲେ।
