ବରଗଡ଼-ଆଜି ଉପଖଣ୍ଡ ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ, ପଦ୍ମପୁରର କର୍ମଚାରୀ, ଶ୍ରୀ ପ୍ରେମସାୟ କଲିହାରୀ ତାଙ୍କ ଚାକିରୀ ଜୀବନରୁ ଅବସର ଗ୍ରହଣ କରିଛନ୍ତି । ସେ ୧୮ ଜାନୁଆରୀ ୧୯୯୧ ମସିହାରେ ଉପଖଣ୍ଡ ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ, ବରଗଡ଼ ଠାରେ ତାଙ୍କ ଚାକିରିରେ ଯୋଗଦାନ କରିଥିଲେ । ଶ୍ରୀ କଲିହାରୀଙ୍କୁ ବିଦାୟକାଳୀନ ସମ୍ୱର୍ଦ୍ଧନା ଦେବା ଅବସରରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ, ଶ୍ରୀ ପ୍ରହଲ୍ଲାଦ ଖୋସ୍ଲାଙ୍କ ସଭାପତିତ୍ବରେ ଏକ ସଭା ଅନୁଷ୍ଠିତ ହୋଇଥିଲା ।
ଏହି ସଭାରେ ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟର ଶ୍ରୀ ମହେନ୍ଦ୍ର ସାହୁ, ଶ୍ରୀ ଦୀନକୃଷ୍ଣ ସ୍ବାଇଁ, ଶ୍ରୀମତୀ ଚନ୍ଦ୍ରିକା ମେହେର, ଶ୍ରୀ ହେମସାଗର ମହାପାତ୍ର, ଶ୍ରୀ ଦାତାରାମ ରଥ, ଶ୍ରୀ ନୂଆ ସାହୁ ଏବଂ ଉପଖଣ୍ଡ ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ, ପଦ୍ମପୁରର ଶ୍ରୀ ରାଇସିଂ ମାଝି ଉପସ୍ଥିତ ଥିଲେ । ଉପସ୍ଥିତ ସମସ୍ତ କର୍ମଚାରୀ ଶ୍ରୀ କଲିହାରୀଙ୍କୁ ପୁଷ୍ପଗୁଚ୍ଛ ପ୍ରଦାନ କରି ତାଙ୍କ ଆଗାମୀ ଜୀବନ ଦୀର୍ଘାୟୁ ତଥା ସୁଖମୟ ହେଉ ବୋଲି କାମନା କରିଥିଲେ ।
