ବରପାଲି-ଅରେଗୁଡି ଉଚ୍ଚ ବିଦ୍ଯାଳୟ ପରିସରରେ ଅବସର କାଳିନ ବିଦାୟ ସମ୍ବର୍ଦ୍ଧନା ସଭା ଆୟୋଜିତ ହୋଇଯାଇଛି। ରବିବାର ଉଚ୍ଚବିଦ୍ୟାଳୟ ହିନ୍ଦୀଶିକ୍ଷକ ନରେନ୍ଦ୍ର ନାଥ ନାୟକଙ୍କୁ ପରିଚାଳନା କମିଟି ପକ୍ଷରୁ ବିଦାୟ ସମ୍ବର୍ଦ୍ଧନା ଦିଆଯାଇଥିଲା।ପ୍ରଧାନଶିକ୍ଷକ ଉପେନ୍ଦ୍ର ସାହୁଙ୍କ ସଭାପତିତ୍ବରେ ସଭାକାର୍ଯ୍ଯ ପରିଚାଳିତ ହୋଇଥିଲା। ମୁଖ୍ୟ ଅତିଥି ଭାବରେ ଗୋବିନ୍ଦ ଚନ୍ଦ୍ର ରଥ ଯୋଗଦେଇ କାର୍ଯ୍ଯକ୍ରମକୁ ଉଦଘାଟନ କରିଥିଲେ।
ସମ୍ମାନିତ ଅତିଥି ଭାବରେ ଲକ୍ଷ୍ମୀପ୍ରସାଦ ଥପା, ଗୋପୀନାଥ ଛନ୍ଦ, ଅଲେଖ ଛନ୍ଦ, ବିବେକାନନ୍ଦ ନାଏକ, କରମସାନି ସାହୁ, ବନ୍ଦକର ସାହୁ ପ୍ରମୁଖ ଯୋଗ ଦେଇଥିଲେ।ଅତିଥି ମାନେ ବିଦାୟୀ ଶିକ୍ଷକଙ୍କ କାର୍ଯ୍ଯ ଶୈଳୀ,ପରିଚାଳନା ସହଭାଗିତା,ଛାତ୍ର ବତ୍ସଳତା,ଶିକ୍ଷାଦାନ ସହ ମାନବିୟ ଗୁଣକୁ ନେଇ ଆଲୋଚନା କରିଥିଲେ। ସେହିପରି ବିଦାୟୀ ଶିକ୍ଷକ ନାଏକସାର ସ୍କୁଲରେ ବିତିଥିବା ଅଭୁଲା ସ୍ମୃତି ସହ ସହକାରୀ ମାନଙ୍କ ସହକାରୀ ମନୋଭାବ,ଛାତ୍ରଛାତ୍ରି ମାନଙ୍କ ଭକ୍ତି, ଆନ୍ତରିକତା ସମ୍ବନ୍ଧରେ କହିଥିଲେ।
ସଭା ପରିଚାଳନା ମଦନ ସୁନ୍ଦର କ୍ଷେତୀଙ୍କ ସଂଯୋଜନାରେ ସଭାକାର୍ଯ୍ଯ ପରିଚାଳିତ ହୋଇଥିବା ବେଳେଅତିଥି ପରିଚୟ ପ୍ରଦାନ ରଞ୍ଜନ ନାଏକଙ୍କ ଦ୍ବାରା ସମ୍ପର୍ଣ୍ଣ ହୋଇଥିଲା। ପରିଶେଷରେ ମନୋରଞ୍ଜନ ଛନ୍ଦ ଧନ୍ଯବାଦ ଅର୍ପଣ କରିଥିଲେ। ପରିଚାଳନାରେପୁରାତନ ଛାତ୍ରଛାତ୍ରୀ ସଂଘ ସହାୟତା କରିଥିଲେ।
