ପଦ୍ମପୁର-ପଦ୍ମପୁର ଉପଖଣ୍ଡ ପାଇକମାଲ ଥାନା ଅଞ୍ଚଳରୁ ଗୋଟିଏ କଣ୍ଟେନରରେ ଗୋରୁ ଚାଲାଣ ହେଉଥିବା ଖବର ପାଇ ପାଇକମାଲ ଥାନା ଅଧିକାରୀ ସୁଶାନ୍ତ କୁମାର ବଢେଇଙ୍କ ନେତୃତ୍ବରେ ଏକ ଟିମ ଚଢ଼ାଉ କରିଥିଲେ । ଚଢ଼ାଉ କରି କଣ୍ଟେନରରେ ୧୯ ଗୋଟି ସହ ଚାଲାଣରେ ସମ୍ପୃକ୍ତ ଥିବା ଚାରିଜଣଙ୍କୁ ଗିରଫ କରିଥିଲେ ।
ଅଭିଯୁକ୍ତ ମାନେ ହେଲେ ପାଇକମାଲ ଥାନା ମାଣ୍ଡୋସିଲ ଗାଁର ଶେଖ ଇକବାଲ ମହମ୍ମଦ ଓରଫ ହୁସେନ, ବରତୁଣ୍ଡାର ଇବ୍ରାହିମ ମହମ୍ମଦ, ବରତୁଣ୍ଡାର ସୋହଲ ଖାନ ଓ ବିଜେପୁର ଥାନା ବୁଢାଦର୍ହାର ଆଲୋକ ମହାନନ୍ଦ। ବିଶ୍ବସ୍ତ ସୂତ୍ରରୁ ମିଳିଥିବା ସୂଚନା ମୁତାବକ ପାଇକମାଲ ଥାନା ବରତୁଣ୍ଡା ଗୋରୁ ବଜାରରୁ ଏହି ଗୋରୁ ମାଫିଆ ମାନେ ଉତ୍ତରପ୍ରଦେଶକୁ ଗୋରୁ ଚାଲାଣ କରୁଥିଲେ ।
ଏହି ଚାଲାଣରେ ଆଉ କିଏ ସମ୍ପୃକ୍ତ ରହିଛନ୍ତି ସେ ବିଷୟରେ ତଦନ୍ତ ଯାରିରଖିଛି । ଏହି ଗୋରୁ ମାଫିଆ ମାନେ ପୂର୍ବରୁ ମଧ୍ଯ ପୋଲିସକୁ ଚକମା ଦେଇ ବରତୁଣ୍ଡା ଗୋରୁ ବଜାରରୁ ଗୋରୁ ଚାଲାଣ କରୁଥିଲେ । ହେଲେ ଆଜି ପୋଲିସ କାବୁକରିବାରେ ସକ୍ଷମ ହୋଇଛି ।
