ଅତାବିରା(ସୁରେନ୍ଦ୍ର କଠାର)-ବରଗଡ଼ ଜିଲ୍ଲା ଅତାବିରା ବ୍ଲକ ଖରମୁଣ୍ଡା ପଞ୍ଚାୟତ ନିର୍ମାଣଧିନ ଡଡଂଗାପାଲି କେନାଲ ବ୍ରିଜ ପାଖରେ କାର୍ ଦୁର୍ଘଟଣାରେ ଜଣେ ଆହତ ହୋଇଥିବା ସୂଚନା ମିଳିଛି। ମିଲିଥିବା ସୂଚନା ଅନୁସାରେ OD15A 7820 ନମ୍ବର ଥିବା ଗୋଟିଏ ଅଲଟୋ କାରରେ ଅତାବିରାର ପୂର୍ବତନ ବ୍ଲକ ଅଧ୍ଯକ୍ଷ ତଥା ବରିଷ୍ଠ ବିଜେପି ନେତା ଚିତ୍ତରଞ୍ଜନ ଭୋଇ, ବିଜେପି ଯୁବମୋର୍ଚ୍ଚାର ଜିଲ୍ଲା ଉପସଭାପତି ନିରୋଜ ବାରିକ ଓ ସୁଶାନ୍ତ ମହାକୁର ୩ ଜଣ ଯାକ ବରଗଡ଼ରୁ ଖରମୁଣ୍ଡା ଗାଁକୁ ଯାଉଥିବା ବେଳେ ନିର୍ମାଣଧିନ ଡଡଂଗାପାଲି କେନାଲ ବ୍ରିଜ ପାଖରେ କାରଟି ଭାରସାମ୍ୟ ହରାଇ ଗୋଟିଏ ଗଛ ସହ ଧକ୍କା ହୋଇ ଦୁର୍ଘଟଣା ହୋଇଥିଲା ।
ଯାହାଫଳରେ କାରରେ ବସିଥିବା ଅତାବିରା ବ୍ଲକର ପୂର୍ବତନ ଅଧ୍ଯକ୍ଷ ଚିତ୍ତରଞ୍ଜନ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ଲୋକେ ଉଦ୍ଧାରକରି ବୁର୍ଲାର ଏକ ଘରୋଇ ମେଡିକାଲକୁ ନେଇ ଚିକିତ୍ସା କରାଉଥିବା ଜଣାପଡିଛି। ଏହି ଘଟଣା ସମ୍ପର୍କରେ ଖବର ପାଇଲା ପରେ ଅତାବିରା ବିଧାୟକ ନିହାର ରଞ୍ଜନ ମହାନନ୍ଦ ଓ ଅନ୍ୟ ବିଜେପି ନେତା ମାନେ ବୁର୍ଲା ମେଡିକାଲକୁ ଯାଇ ଆହତଙ୍କ ସ୍ବାସ୍ଥ୍ଯ ଅବସ୍ଥା ପଚାରି ବୁଝିବା ସହ ଆଶୁ ଆରୋଗ୍ୟ କାମନା କରିଛନ୍ତି।
