ପଦ୍ମପୁର- ସରସ୍ବତୀ ଶିଶୁ ବିଦ୍ୟାମନ୍ଦିର, ପଦ୍ମପୁର ଠାରେ ବରଗଡ଼ର ନବ ନିର୍ବାଚିତ ସାଂସଦ ଶ୍ରୀ ପ୍ରଦୀପ ପୁରୋହିତଙ୍କ ଉଦ୍ଦେଶ୍ୟରେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ପଦ୍ମପୁର, ପାଇକମାଲ, ଝାରବନ୍ଧ ଓ ଗାଇସିଲାଟ ବ୍ଲକରରୁ ରାଷ୍ଟ୍ରୀୟ ସ୍ବୟଂସେବକ ସଙ୍ଘ ତଥା ଏହାର ବିବିଧ କ୍ଷେତ୍ର ସହ ଜଡ଼ିତ କାର୍ଯ୍ୟକର୍ତ୍ତାମାନେ ଯୋଗ ଦେଇଥିଲେ। ବିଶ୍ୱ ହିନ୍ଦୁ ପରିଷଦ, ବଜରଙ୍ଗ ଦଳ, ଭାରତ ବିକାଶ ପରିଷଦ, ସରସ୍ବତୀ ଶିଶୁ ବିଦ୍ୟା ମନ୍ଦିର, ବିଜ୍ଞାନ ଭାରତୀ ତଥା ଚେତନା ପରିଷଦର ସଦସ୍ୟ ମାନେ ଏଥିରେ ଯୋଗ ଦେଇ ସମ୍ବର୍ଦ୍ଧନା ଜ୍ଞାପନ କରିଥିଲେ।
ଏହି ଅବସରରେ ବରଗଡ଼ ସାଂସଦ ଶ୍ରୀ ପୁରୋହିତଙ୍କ ସହ ବିଦ୍ୱତ ପରିଷଦର ପୂର୍ବ କ୍ଷେତ୍ର ପ୍ରମୁଖ ଶ୍ରୀ ବାଞ୍ଛାନିଧି ପଣ୍ଡା, ବିଶ୍ୱ ହିନ୍ଦୁ ପରିଷଦର ପଶ୍ଚିମ ପ୍ରାନ୍ତ ସମ୍ପାଦକ ଶ୍ରୀ ଭକ୍ତଚରଣ ସାହୁ, ରାଷ୍ଟ୍ରୀୟ ସ୍ବୟଂସେବକ ସଙ୍ଘର ଜିଲ୍ଲା ସଙ୍ଘଚାଳକ ଶ୍ରୀ ରୋହିତ କୁମାର ମେହେର, ଜିଲ୍ଲା କାର୍ଯ୍ୟବାହ ଶ୍ରୀ ତାରାଚାନ୍ଦ କଣ୍ଟା, ଭାରତ ବିକାଶ ପରିଷଦର ପଦ୍ମପୁର ଶାଖା ସଭାପତି ଶ୍ରୀ ଗୋବିନ୍ଦ ପ୍ରସାଦ ଅଗ୍ରୱାଲ, ଶିକ୍ଷା ବିକାଶ ସମିତିର ସଂକୁଳ ପ୍ରମୁଖ ଶ୍ରୀ ଦ୍ୱାଦଶ ପ୍ରଧାନ, ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିରର ସଭାପତି ଶ୍ରୀ ପୃଥ୍ୱୀରାଜ ସାହୁ, ବରିଷ୍ଠ ସ୍ବୟଂସେବକ ଶ୍ରୀ ଜୟନାରାୟଣ ତ୍ରିପାଠୀ ତଥା ବଜରଙ୍ଗ ଦଳର ଉପଦେଷ୍ଟା ଶ୍ରୀ ସୁରେଶ ରାମଚନ୍ଦାନି ପ୍ରମୁଖ ମଞ୍ଚାସୀନ ଥିବା ବେଳେ ପ୍ରଧାନ ଆଚାର୍ଯ୍ୟ ଶ୍ରୀ ଚୈତନ୍ୟ ଭୋଇ,ସମ୍ପାଦକ ଜନକଲାଲ ମେହେର, ଗୋପାଳ କୃଷ୍ଣ ମିଶ୍ର ,ଆଶିଷ କୁମାର ମିଶ୍ର ଓ ଶିଶୁ ବିଦ୍ୟା ମନ୍ଦିର ର ସମସ୍ତ ଗୁରୁଜୀ ଗୁରୁମା ଉପସ୍ଥିତ ଥିଲେ ।
ରାଷ୍ଟ୍ରୀୟ ସ୍ବୟଂସେବକ ସଙ୍ଘର ସହ ଜିଲ୍ଲା ପ୍ରଚାର ପ୍ରମୁଖ ଶ୍ରୀ ରୀତେଶ ରଞ୍ଜନ ମେହେର କାର୍ଯ୍ୟକ୍ରମ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ବରଗଡ଼ ସାଂସଦ ଶ୍ରୀ ପୁରୋହିତ ନିଜ ଲୋକସଭା କ୍ଷେତ୍ରର ଅଧିକରୁ ଅଧିକ ଉନ୍ନତି ପାଇଁ ସର୍ବଦା ଚେଷ୍ଟିତ ରହିବି ବୋଲି କାର୍ଯ୍ୟକର୍ତ୍ତାମାନଙ୍କୁ ସମ୍ବୋଧିତ କରିଥିଲେ।
