ପଦ୍ମପୁର- ଗାଧୋଇବା ବେଳେ ପାଣିରେ ବୁଡିଗଲେ ନାବାଳିକା । ଜଣେ ନାବାଳିକା ପଦ୍ମପୁର ସହରର ଅମଲିପାଲି ପାଖ ଏକ ନାଳକୁ ଗାଧୋଇବା ପାଇଁ ଯାଇଥିବା ବେଳେ ପାଣିରେ ବୁଡି ମୃତ୍ୟୁ ହୋଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ ପାଟଣାଗଡ ଥାନା ଅନ୍ତର୍ଗତ ବର୍ହାଚପା ଗ୍ରାମର ଜଣେ ୧୭ ବର୍ଷ ବୟସ୍କ ଝିଅ ଖରା ଛୁଟିରେ ତାର ମାମୁଁଘର ପଦ୍ମପୁର ଅମଲିପାଲିକୁ ବୁଲିବାକୁ ଆସିଥିଲା ।
ଆଜି ସକାଳୁ ପାଖ ନାଳକୁ ଗାଧୋଇବା ପାଇ ଯାଇଥିବା ସମୟରେ ସେ ପାଣିରେ ବୁଡି ଯାଇଥିଲେ । ପରିବାର ଲୋକେ ତାଙ୍କୁ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ନେଇଥିଲେ । ସେଠାରେ ଡାକ୍ତର ଝିଅ ଟିକୁ ମୃତ ଘୋଷଣା କରିଥିଲେ । ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଯାରି ରଖିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ।
