ପଦ୍ମପୁର – ପଦ୍ମପୁର ରାମେଶ୍ବର ବାବା ଶୀତଳଷଷ୍ଠୀ କମିଟି ତରଫରୁ ଶ୍ରୀ ଶ୍ରୀ ରାମେଶ୍ବର ମହାଦେବ ବାବାଙ୍କ ପବିତ୍ର ଶୀତଳ ଷଷ୍ଠି ଉତ୍ସବ ଆୟୋଜିତ ହୋଇଥିବା ବେଳେ ବାବା ମାହାଦେବଙ୍କ ପତର ପେଣ୍ଡି ଉତ୍ସବ ସମ୍ପର୍ଣ ହୋଇଥିଲା । ପଦ୍ମପୁର ବଡବନ୍ଧ ସ୍ଥିତ ରାମେଶ୍ୱର ବାବାଙ୍କ ମନ୍ଦିରରୁ ଘଣ୍ଟ ଶଙ୍ଗ ଡମ୍ବରୁ ନାଦ ସହ କନ୍ୟା ଅନ୍ୱେଷଣରେ ବାହାରି ଥିଲେ ବରପକ୍ଷ । ନଗର ବୁଲିବା ସହ ମାତା ଶକ୍ତି ସ୍ୱରୂପିଣି ପାର୍ବତୀଙ୍କ ପିତା ମାତା ଙ୍କ ଘରେ ପହଂଚିବା ସହ ବୈଦିକ ରୀତିନୀତି ଅନୁସାରେ ସମ୍ପର୍ଣ୍ଣ ହୋଇଥିଲା ପତ୍ର ପେଣ୍ଡି ଉତ୍ସବ ।
ଏହି କାର୍ଯ୍ୟକ୍ରମରେ ସପ୍ତଋଷୀ ବରଣ ,ପତରପେଣ୍ଡି ଓ ସଂକଳ୍ପ କରି ବରପିତା ସେବକ ମେହେର ଓ ମାଧବୀ ମେହେର କନ୍ୟା ପିତା ପ୍ରଶାନ୍ତ ପଟ୍ଟନାୟକ ଓ ଶାନ୍ତିପ୍ରିୟା ପଟ୍ଟନାୟକ ସହିତ ପଣ୍ଡିତ ରଘୁନାଥ ତ୍ରିପାଠୀ, ସୁବ୍ରତ ମିଶ୍ର, ଗଙ୍ଗାଧର ମହାପାତ୍ର ,ପ୍ରବୀଣ ମିଶ୍ର,ଉଦୟ ନନ୍ଦ ପ୍ରମୁଖ ଉପସ୍ଥିତ ଥିଲେ ।ଶନିବାର ଦିନ ଗୁଆ ଗୁଣ୍ଡା ସହିତ ହନୁମାନ ନିମନ୍ତ୍ରଣ, ସାକ୍ଷୀଗୋପାଳ ସହିତ ନୃସିଂହ ନିମନ୍ତ୍ରଣ ହେବ।
