ଅତାବିରା(ସୁରେନ୍ଦ୍ର କଠାର)- ଅତାବିରା ବ୍ଲକ ଅଧିନସ୍ଥ ସରକାରୀ ପ୍ରାଥମିକ ବିଦ୍ୟାଳୟ ପଲସାପାଲି ଠାରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶଶି ଭୋଇଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଅଛି । ଏହି ସଭାରେ ମୁଖ୍ୟ ଅତିଥି ଭାବରେ ବୁଗବୁଗା କେନ୍ଦ୍ରର ପୂର୍ବତନ କେନ୍ଦ୍ର ପଣ୍ଡିତ ବେଣୁଧର ପଧାନ , ସମ୍ମାନୀତ ଅତିଥି ଭାବରେ ପୂର୍ବତନ ଶିକ୍ଷକ ପଞ୍ଚାନନ ସାହୁ, ସି.ଆର.ସି.ସି. ନନ୍ଦିଘୋଷ ଭୁଏ ଯୋଗଦାନ କରିଥିଲେ ।
ଅନ୍ୟମାନଙ୍କ ମଧ୍ଯରେ ବିଦ୍ୟାଳୟ ପରିଚାଳନା କମିଟିର ସଭାପତି କ୍ଷେତ୍ରମୋହନ ମେହେର, ଶିକ୍ଷାବିତ୍ ସୁରେନ୍ଦ୍ର ଯୁବରାଜ ପ୍ରଧାନ,ବୁଗବୁଗା କ୍ଲଷ୍ଟର ଅଧୀନ ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଏବଂ ଶିକ୍ଷକ ଶିକ୍ଷୟିତ୍ରୀ ପ୍ରମୁଖ ଉପସ୍ଥିତ ଥିଲେ। ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଗରିଆଟିକ୍ରାର ପ୍ରଧାନ ଶିକ୍ଷକ ସନ୍ତୋଷ କର ସଭାକୁ ପରିଚାଳନା କରିଥିଲେ। ଏହି ଅବସରରେ ବିଦାୟୀ ଶିକ୍ଷକଙ୍କୁ ଫୁଲମାଳ ଓ ଉପଢ଼ୌକନ ପ୍ରଦାନ କରାଯାଇଥିଲା । ଶେଷରେ ବିଦାୟୀ ଶିକ୍ଷକ ଙ୍କୁ ଗ୍ରାମବାସୀ ଙ୍କ ଦ୍ଵାରା ଗ୍ରାମ ପରିକ୍ରମା କରିବା ସହ ତାଙ୍କ ଗ୍ରାମ ବାଞ୍ଜିପାଲିକୁ ଶୋଭାଯାତ୍ରା କରି ବିଦାୟ ଦେଇଥିଲେ ।
