ବରଗଡ଼ -ବର୍ତ୍ତମାନ ସମୟରେ ଯୁବ ପୀଢ଼ି ହୋଟେଲ ପାର୍କ ରେ ଜନ୍ମଦିନ ପାଳନ କରୁଥିବା ବେଳେ ଯୁବ ସମାଜସେବୀ ରାଜେଶ ପାଇକ ବୃଦ୍ଧାଶ୍ରମ ରେ ନିଜର ଜନ୍ମଦିନ ପାଳନ କରିଛନ୍ତି l ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ପାର୍ବତୀ ଗିରି ବୃଦ୍ଧାଶ୍ରମ ସମଲେଇପଦର ଠାରେ ସମାଜ ପାଇଁ କାମ କରୁଥିବା ଯୁବ ସମାଜସେବୀ ରାଜେଶ ପାଇକଙ୍କ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ସମସ୍ତଙ୍କ ପାଇଁ ଥଣ୍ଡା ପାନୀୟ ଓ ମଧ୍ୟାହ୍ନ ଭୋଜନର ବ୍ୟବସ୍ଥା କରାଯାଇଥବା ବେଳେ ସମସ୍ତେ ଏକାଠି ଅନ୍ତେବାସୀଙ୍କ ସହିତ ଦିନଟି ବିତାଇଥିଲେ ।
ବୃଦ୍ଧାଶ୍ରମର ପାଚିକା ଊଷା ପୁରୀ ନିଜ ହାତରେ ସମସ୍ତ ଅନ୍ନ ବ୍ୟଞ୍ଜନ ରୋଷେଇ କରିଥିଲେ ଏବଂ ସମସ୍ତେ ଭୋଜନ କରିଥିଲେ l ଜନ୍ମଦିନ ପାଳନ ସମୟରେ ଅଜିତ ପଟେଲ, ପ୍ରଭାତ ରାଜହଂସ, ଦେବାନନ୍ଦ କୁମ୍ଭାର, ଦିଲୁ ସୁନା, ଅନନ୍ତ ହରିପାଳ, କପିଳ ପାଇକ, ବିରେନ୍ଦ୍ର କନ୍ଧ, ଅକ୍ଷୟ ମହାନନ୍ଦ, ଟିକୁ ପାଇକ, ନରେଶ ଚନ୍ଦନ, ସଞ୍ଜୟ ପାଇକ, ହୃଷିକେଶ ମହାନନ୍ଦ, ବିଜୟ ମହାନନ୍ଦ ଆଦି ଉପସ୍ଥିତ ଥିଲେ । ବୃଦ୍ଧାଶ୍ରମରେ ଜନ୍ମଦିନ ପାଳନ କରି ସମାଜ କୁ ଏକ ପ୍ରେରଣା ଦେଇଥିବାରୁ ଆଶ୍ରମ ର ପରିଚାଳକ ଜଳନ୍ଧର ପଟେଲ ଯୁବ ସମାଜସେବୀ ରାଜେଶ ପାଇକଙ୍କ ସହିତ ସମସ୍ତ ସାଥି ଙ୍କୁ ଧନ୍ୟବାଦ୍ ଦେଇଛନ୍ତି । ବୃଦ୍ଧାଶ୍ରମରେ ଜନ୍ମଦିନ ପାଳନ କରି ଯୁବକମାନଙ୍କୁ ଏକ ନୂତନ ବାର୍ତ୍ତା ଦେଇଛନ୍ତି ବୋଲି ସୁଭେଛୁ ସାଧୁବାଦ ଦେଇଛନ୍ତି l ସମାଜ ସେବା କ୍ଷେତ୍ର ରେ ଯୁବ ପୀଢ଼ି ଆଗେଇଲେ ସମାଜ ସୁଦୃଢ ହେବ ବୋଲି ଶ୍ରୀ ପାଇକ କହିଛନ୍ତି ।
