ପଦ୍ମପୁର-ପଦ୍ମପୁର ନିର୍ବାଚନ ମଣ୍ଡଳୀ ପାଇକମାଲ ବ୍ଳକ ଲଖମରା ମଣ୍ଡଳ ଅଧିନସ୍ଥ ସରେଇକେଲା, ବାଦୀକଟା ,ବିଜାଡିହି ଓ ପଦ୍ମପୁର ଅନ୍ତର୍ଗତ ଭେଉଁରିଆ ସମେତ ବିଭିନ୍ନ ଗାଁରେ ବିଜେପିର ବିଧାୟକ ପ୍ରାର୍ଥୀ ଗୋବର୍ଦ୍ଧନ ଭୁଏ ନିର୍ବାଚନ ପ୍ରଚାର କରିଛନ୍ତି । ଶ୍ରୀ ଭୁଏ ସରେଇକେଲା ରେ ପହଞ୍ଚିବା ପରେ ତାଙ୍କୁ ବିପୁଳ ସ୍ୱାଗତ ସଂବର୍ଦ୍ଧନା ଦିଆଯାଇଛି ଏବଂ ସେଠାରେ ଚାଲିଥିବା ନାମଯଜ୍ଞରେ ସାମିଲ ହୋଇଥିଲେ ଏବଂ ଲୋକଙ୍କ ସହ ପ୍ରସାଦ ସେବନ କରିଥିଲେ । କିଛି ଦିନ ପୂର୍ବରୁ ଅଙ୍ଗ ନଦୀ ବନ୍ଧ ପ୍ରତିରୋଧ କମିଟି ପକ୍ଷରୁ ଶ୍ରୀ ଭୁଏ ଙ୍କୁ ୨୮ ଖଣ୍ଡ ମୌଜାର ଲୋକ ବିରୋଧ କରିବେ ବୋଲି ଚର୍ଚ୍ଚା ହୋଇଥିଲା । ମାତ୍ର ଆଜି ଏହି ଅଞ୍ଚଳରେ ନିର୍ବାଚନ ପ୍ରଚାର କରି ସେ ଅତ୍ୟନ୍ତ ଖୁସି ବ୍ୟକ୍ତ କରିବା ସହିତ କର୍ମୀ ମାନଙ୍କ ମଧ୍ୟରେ ଉତ୍ସାହ ପ୍ରକାଶ ପାଇଛି ।
