ସମ୍ବଲପୁର – କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିରୋଧୀ ଦଳ ର ନେତା ଜୟ ନାରାୟଣ ମିଶ୍ର ଙ୍କ ବିଷୟ ରେ ବିଜୁ ଜନତା ଦଳ ର ମୁଖପାତ୍ର ଡ଼.ଲେନିନ ମହାନ୍ତି ଯେଉଁ ଟିପ୍ପଣୀ ଦେଇଛନ୍ତି ତାର ପ୍ରତିକ୍ରିୟା ରେ ବରିଷ୍ଠ ବିଜେପି ନେତା ଡ଼ ପ୍ରମୋଦ ରଥ ପ୍ରତିକ୍ରିୟା ରଖିଛନ୍ତି । ବିଜେପି କ୍ଷେତ୍ରୀୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ଙ୍କ ଜରିଆରେ ଦେଇଥିବା ପ୍ରେସ ବିବୃତି ରେ ସେ କହିଛନ୍ତି ଯେ…କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିରୋଧୀ ଦଳ ନେତା ଜୟ ନାରାୟଣ ମିଶ୍ର ଙ୍କ ବିଷୟ ରେ ବିଜୁ ଜନତା ଦଳ ର ମୁଖପାତ୍ର ଡ଼.ଲେନିନ ମହାନ୍ତି ଆଜି ଯେଉଁ ଟିପ୍ପଣୀ କରିଛନ୍ତି ତାକୁ ଶୁଣିଲା ପରେ ଗୋଟେ ଉକ୍ତି ମନେ ପଡୁଛି “ଗୋଦରୀ ଲୋ ତୋ ଗୋଡ଼ କୁ ଅନା” ।
ପ୍ରଥମ କଥା ଆପଣ ଯେଉଁ କାର୍ଯ୍ୟକ୍ରମ ବିଷୟ ରେ ଉଲ୍ଲେଖ କରିଛନ୍ତି ସେ କାର୍ଯ୍ୟକ୍ରମ ର ପ୍ରକୃତ ଜନସମୁଦ୍ର ଥିବା ଫୋଟୋ ବୋଧେ ଆପଣ ଦେଖି ଦେଇଛନ୍ତି ଯାହାର ଫଳ ସ୍ୱରୂପ ଆପଣଙ୍କ ଚେତା ହଜି ଯାଇଛି ବୋଲି ବିଳିବିଳାଉ ଛନ୍ତି । ଦ୍ଵିତୀୟତଃ ଗତ କିଛି ଦିନ ପୂର୍ବରୁ ଆପଣଙ୍କ ଦଳ ପକ୍ଷରୁ ଦେବଗଡ଼ ରେ ଆୟୋଜିତ କାର୍ଯ୍ୟକ୍ରମ ର ଦୃଶ୍ୟ ଭୁଲି ଯାଇଛନ୍ତି କି..?ସଭାସ୍ଥଳ ର ସମସ୍ତ ଚୌକି ଖାଲି ପଡିଥିଲା ଓ ଆପଣଙ୍କ ନେତା ବ୍ୟର୍ଥ ପ୍ରେମିକ ର ତଣ୍ଟି ଫଟା ତିତ୍କାର ଭଳି ଉଦଘୋଷଣା କଲା ପରେ ମଧ୍ୟ ଲୋକେ ଆସିଲେ ନାହିଁ । ଦୁଇ ଦିନ ପୂର୍ବ ରୁ କୁଚିଣ୍ଡା ରେ ଆପଣଙ୍କ ଦଳ ର ନେତା ଓ କର୍ମି କିଭଳି ଭାବେ ସମ୍ବଲପୁର ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସ ଙ୍କୁ ଗଉଡ଼େଇ ନେଇଥିଲେ ।ଧର୍ମେନ୍ଦ୍ର ପ୍ରଧାନ ଙ୍କ ଲୋକପ୍ରିୟତା କଣ କେମିତି ରହିଛି ତାହା ଓଡିଶା ର ସ୍ୱାଭିମାନୀ ଓଡ଼ିଆ ଙ୍କୁ ଠିକ ଭାବରେ ଜଣା । ନରେନ୍ଦ୍ର ମୋଦୀ ଙ୍କ ଭଳି ଜଣେ ଅଦ୍ଵିତୀୟ ପ୍ରଧାନମନ୍ତ୍ରୀ ଯାହାଙ୍କୁ ବିଗତ ଦଶ ବର୍ଷ ରେ ଅନେକ ଗୁରୁତ୍ୱପୂର୍ଣ ବିଭାଗ ର ଦାୟିତ୍ୱ ଦେଇଛନ୍ତି ତାଙ୍କର କାର୍ଯ୍ୟଦକ୍ଷତା ଓ ବିଶେଷତା କଣ ଯେ ସମଗ୍ର ଦେଶବାସୀ ଜାଣି ସାରିଲେଣି।
ଅଣଓଡ଼ିଆ ହାକିମ ପାଇଁ ଆପଣଙ୍କ ଦଳ ର ବାଉଁଶପୋତା, ଦରିପକା, ଲୋକ ବୁହା ନେତା ଯଦି ଗର୍ବ ଅହଙ୍କାର ଓ ମିଛ ର ଅନ୍ଧାପୁଟୁଳି ବାନ୍ଧିଛନ୍ତି ତେଣୁ ତାଙ୍କୁ ଧର୍ମେନ୍ଦ୍ର ପ୍ରଧାନ ଙ୍କର କାର୍ଯ୍ୟଦକ୍ଷତା ଓ ଲୋକପ୍ରିୟତା ଦେଖା ଯାଉ ନାହିଁ ।ଲେନିନ ବାବୁ ଯଦି ଜୟ ନାରାୟଣ ମିଶ୍ର ଦଶ ବର୍ଷ କାଳ ଗାୟବ ଥିଲେ ତ ୨୦୧୯ ନିର୍ବାଚନ ରେ ସମ୍ମାନସ୍ପଦ ସମ୍ବଲପୁର ବିଧାନସଭା ଆସନ ରୁ କିଏ ବିଜୟ ଲାଭ କରିଥିଲା..?ବିରୋଧୀ ଦଳ ନେତା ଗତ ଦୁଇ ବର୍ଷ ହେଲା କିଏ ରାଜ୍ୟ ସରକାର ଙ୍କୁ ହରଡ଼ଘଣା ରେ ପକେଇ ଶାସକ ଦଳ ର ନେତା ମନ୍ତ୍ରୀ ଙ୍କର ନିଦ ହଜେଇ ଦେଇଛି…?ରାଜ୍ୟ ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଛାୟା ମୁଖ୍ୟମନ୍ତ୍ରୀ ଜୟ ନାରାୟଣ ମିଶ୍ର ଙ୍କର ଓଡିଶା ବିଧାନସଭା ରେ ଓ ନିଜ ନିଜ ବିଧାନସଭା କ୍ଷେତ୍ର ରେ ଉପସ୍ଥିତି କୁ ତୁଳନା କରନ୍ତୁ କାହାର ସ୍ୱାସ୍ଥ୍ୟ ସମସ୍ୟା କେତେ କଣ ଯେ ଜାଣି ପାରିବେ ।
