ଅତାବିରା-ଖଲିଆପାଲି ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇ ଥିଲା । ବିଦ୍ୟାଳୟ ପରିଚାଳନା କମିଟି ର ଚେୟାରମେନ ଶ୍ରୀଯୁକ୍ତ ଆନନ୍ଦ ଜାଲଙ୍କ ସଭାପତିତ୍ବରେ ଅନୁଷ୍ଠିତ ସାଧାରଣ ସଭାରେ ମୁଖ୍ୟ ଅତିଥି ରୂପେ ବୁଗବୁଗା ସି.ଆର.ସି.ସି. ନନ୍ଦିଘୋଷ ଭୁଏ, ସମ୍ମାନୀତ ଅତିଥି ରୂପେ ମୋ ସ୍କୁଲ ଅଭିଯାନ ର ସଭାପତି ପ୍ରମୋଦ ମହାକୁର ,ପୂର୍ବତନ ସଭାପତି ଜାନକୀ ବଲ୍ଲଭ ଦୀପ, ଏଡଭୋକେଟ ଚୈତନ୍ୟ ପ୍ରଧାନ,ଗ୍ରାମ କମିଟି ର ସଭାପତି ଦିନେଶ ମେଣ୍ଡଳୀ ସମ୍ପାଦକ କାଲିଶ୍ରୀ କର୍ଣ୍ଣ, କୋଷାଧ୍ୟକ୍ଷ ଖିରେଶ୍ୱର କର୍ଣ୍ଣ ଉପସ୍ଥିତ ଥିଲେ । ପ୍ରଧାନ ଶିକ୍ଷକ ହରିହର ସାହୁ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ ।
ଏହି ଅବସରରେ ପୂର୍ବରୁ ଅନୁଷ୍ଠିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ଙ୍କୁ ପୁରସ୍କାର ପ୍ରଦାନ କରାଯାଇଥିଲା । ସଭା କୁ ସଂଯୋଜନା କରିଥିଲେ ଶିକ୍ଷକ ଜିବର୍ଦ୍ଧନ ପଶାୟତ । ତାପରେ ସାଂସ୍କୃତିକ କାର୍ଯ୍ୟକ୍ରମ ପିଲାମାନଙ୍କ ଦ୍ଵାରା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ ଶିକ୍ଷୟିତ୍ରୀ ରୁଚିଶ୍ମିତା ସାହୁ । ଏଥିରେ ବିଦ୍ୟାଳୟର ଶିକ୍ଷୟିତ୍ରୀ ଲକ୍ଷ୍ମୀ ପାଇକ,ହୃଷୀକେଶ ବିଶ୍ଵାଳ (ଦ୍ଵଜ),ସରିତା ବନଛୋର, ବିଦ୍ୟାଳୟ ପରିଚାଳନା କମିଟି ର ସଦସ୍ୟ ସଦସ୍ୟା ତଥା ଗ୍ରାମବାସୀ ସହଯୋଗ କରିଥିଲେ । ଶେଷରେ ଶିକ୍ଷକ ହୃଷୀକେଶ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ ।
