ବରଗଡ଼ – ବରଗଡ଼ ଜିଲ୍ଲା ସହେଲା ବ୍ଲକ କୁଚିପାଲି ଗ୍ରାମରେ ଆଜି ଦିନ ୧୨.୩୦ ମିନିଟ ସମୟରେ ଏକ ମର୍ମଦୁନ୍ତ ସଡକ ଦୁର୍ଘଟଣାରେ ଜଣେ ୯ବର୍ଷର ଶିଶୁର ମୃତ୍ୟୁବରଣ ହୋଇଅଛି । ସୂଚନା କ୍ରମେ ବିଜେପୁର ପଡା ନିବାସୀ ଶ୍ରୀ ନବୀନ ମେହେର ଆଜି ସକାଳ ୧୦ଘଣ୍ଟା ସମୟରେ ନିଜର ପୁଅ ସମୀର ମେହେରଙ୍କ(୯)ସହ ଏକ ପାରିବାରିକ ଉତ୍ସବରେ ଯୋଗଦାନ କରିବା ପାଇଁ କୁଚିପାଲି ଯାଇଥିଲେ । ସେହି ସମୟରେ କୁଚିପାଲି ବସଷ୍ଟାଣ୍ଡ ନିକଟରେ ସହେଲାରୁ ପଦ୍ମପୁର ଅଭିମୁଖେ ଯାଉଥିବା ଏକ ସ୍ୱିଫ୍ଟ କାର ବେପୁରୁଆ ଭାବରେ ଦ୍ରୁତ ଗତିରେ ଆସି ସମୀର ମେହେରଙ୍କୁ ଧକ୍କା ଦେଇଥିଲା ଫଳରେ ଘଟଣା ସ୍ଥଳରେ ଛିଟିକି ପଡ଼ିଥିଲେ ଶିଶୁ ଶମୀର ମେହେର । ସେଠାରୁ ସମୀରକୁ ବାପା ନବୀନ ସଙ୍ଗେ ସଙ୍ଗେ ପ୍ରଥମେ ଘେସଁ ଚିକିତ୍ସାଲୟ ଓ ପରେ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ ମାତ୍ର ଡାକ୍ତର ଏଠାରେ ସମୀରଙ୍କୁ ମୃତ ଘୋଷଣା କରିଥିଲେ । ପରିବାର ଲୋକଙ୍କ ଅଭିଯୋଗ ହେଲାଯେ ବେପରୁଆ ଗାଡି ଚାଳକ ପାଇଁ ଆଜି ତାଙ୍କ ପୁଅର ଜୀବନ ଯାଇଛି ।ଏନେଇ ସେମାନେ ସ୍ଥାନୀୟ ମେଳଛାମୁଣ୍ଡା ଥାନାରେ ଲିଖିତ ଆଭିଯୋଗ କରିଛନ୍ତି । ମେଳଛାମୁଣ୍ଡା ଥାନା କେଶ ନମ୍ବର 85/24 ରେ ଏକ ମାମଲା ରୁଜୁକରିବା ସହିତ ଦୁର୍ଘଟଣା ଘଟାଇଥିବା ଗାଡି ଚାଳକ OD17T 0096 କୁ ଜବତ କରି ଥାନାରେ ଅଟକ ରଖାଯାଇଥିବା ବିଷୟରେ ଅନୁସନ୍ଧାନକାରୀ ପୋଲିସ ଅଧିକାରୀ ସବଇନିସ୍ପେକ୍ଟର ସୁମିତ୍ରା ମଲ୍ଲିକ ସୂଚନା ଦେଇଛନ୍ତି ।