ଅତାବିରା-ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ସିଲାଟ ଗ୍ରାମରେ ମହା ସମାରୋହରେ ହନୁମାନ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ଏହି ପ୍ରତିଷ୍ଠା ଉତ୍ସବରେ କର୍ତ୍ତା ଦାୟିତ୍ୱ ତୁଲାଇଥିଲେ ସୁରେନ୍ଦ୍ର ଥପା ଓ ତାଙ୍କ ପତ୍ନୀ ସୁଜତା ଥପା। କଳସ ଶୋଭାଯାତ୍ରା ପରେ ପୂଜାକାର୍ଯ୍ୟ ଆରମ୍ଭ କରାଯାଇଥିଲା। ସନ୍ଧ୍ଯାରେ ବାଟିମୁଣ୍ଡା ଓ ଗୌରଟିକ୍ରାର ମହିଳା ସଂକୀର୍ତ୍ତନ ସହ ନିଲେଇପାଲି, କଟାପାଲି, ଜୁଗିପାଲି ଓ ଗୋଡଭଗା ଗ୍ରାମର ସଂକୀର୍ତ୍ତନ ପରିବେଷିତ ହୋଇଥିଲା। ବ୍ଲକ ଯାଦବ ସମାଜର କର୍ମକର୍ତ୍ତା ସହ ଆଖପାଖ ଅଞ୍ଚଳରୁ ଶତାଧିକ ଶ୍ରଦ୍ଧାଳୁ ଭକ୍ତମାନଙ୍କ ସମାଗମ ହୋଇଥିଲା। ସମସ୍ତ ଭକ୍ତ ମାନଙ୍କ ପାଇଁ ଅନ୍ନ ପ୍ରସାଦର ବ୍ୟବସ୍ଥା କରାଯାଇଥିଲା।