ପଦ୍ମପୁର- ପଦ୍ମପୁର ଉପଖଣ୍ଡ ଚିକିତ୍ସାଳୟ ସଭାଗୃହରେ ବିଦାୟ କାଳିନ ସଭା ଅନୁଷ୍ଠିତ ହୋଇଯାଇଛି । ପଦ୍ମପୁର ଉପଖଣ୍ଡ ଚିକିତ୍ସାଳୟର ସୁପରିଟେଣ୍ଡେଟ ତଥା ଏସଡିଏମଓ ଡାକ୍ତର ସରୋଜ କୁମାର ସେଠଙ୍କ ସୋନପୁର ଜିଲ୍ଲାର ଡୁଙ୍ଗୁରିପାଲିକୁ ବଦଳି ହୋଇଛି । ଡାକ୍ତର ପ୍ରଭାତ ନାରାୟଣ ତ୍ରିପାଠୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଡାକ୍ତର ସରୋଜ ସେଠଙ୍କୁ ବିଦାୟ କାଳିନ ସମ୍ବର୍ଦ୍ଧନା ଦିଆଯାଇଥିବା ବେଳେ ତାଙ୍କ ସ୍ଥାନରେ ନୂତନ ଭାବରେ ଯୋଗଦେଇଥିବା ଡାକ୍ତର ଆଶୁତୋଷ ହୋତାଙ୍କୁ ସ୍ୱାଗତ ଜଣାଇଥିଲେ । ଅନ୍ୟ ମାନଙ୍କ ମଧ୍ୟରେ ଡାକ୍ତର ଯଦୁମଣି ସାହୁ , ସଞ୍ଜୟ ନାୟକ , ଜି.ପି.ଏସ ମିଶ୍ର ତଥା ଅନ୍ୟାନ୍ୟ ଜୁନିୟର ଡାକ୍ତର ଏବଂ ସମସ୍ତ ବିଭାଗର କର୍ମଚାରୀ ମାନେ ଉପସ୍ଥିତ ଥିଲେ । ସଭା ଶେଷରେ ଡାକ୍ତରଖାନା ମ୍ୟାନେଜର ଦିବ୍ୟ ମେହେର ଧନ୍ୟବାଦ ଅର୍ପଣ କରିଥିଲେ ।