ପଦ୍ମପୁର-ବରଗଡ ଜିଲ୍ଲା ଏକାମ୍ର ଛକ ଠାରୁ ମେଲଛାମୁଣ୍ଡା ଥାନା ଦୁବଳାବାହାଲ ଭାୟା ବିଜେପୁର ରାସ୍ତାର ପ୍ରଶସ୍ତିକରଣ କାମ ଚାଲୁଛି।ଏହି ନିର୍ମାଣଧିନ ରାସ୍ତା ଏକାମ୍ର ଛକ ଠାରୁ ଝିଲ୍ଳୀ ନାଳା ପର୍ଯ୍ୟନ୍ତ ପୂର୍ତ୍ତ ବିଭାଗ କରୁଥିବା ସ୍ଥଳେ ଝିଲ୍ଳି ନାଳା ଠାରୁ ଭାୟା ଗୁଦେରପାଲି ଦୁବଲାବାହାଲ ପର୍ଯ୍ୟନ୍ତ ଓଡିଶା ସେତୁ ନିର୍ମାଣ ନିଗମ ଲିମିଟେଡ (ଓବିସିସି) କମ୍ପାନୀ କରୁଅଛି।ହେଲେ ପରିତାପର ବିଷୟଯେ ଉକ୍ତ ରାସ୍ତାରେ ପଡୁଥିବା ତେଲମହୁଲ ଛକ ଠାରେ ନିର୍ମାଣଧିନ ରାସ୍ତାକୁ ସେଠାରେ ପ୍ରଭାବିତ ହୋଇଥିବା ନଦୀର ବ୍ରିଜ୍ ପାଖକୁ ସିଧା କରିବା ପାଇଁ ଜମି ଅଧିଗ୍ରହଣ କରାଯାଇଛି।କିନ୍ତୁ ଏଠାରେ ରାସ୍ତା କୁ ସିଧା କରିବା ପରିବର୍ତ୍ତେ ନିର୍ମାଣ କାରି ସଂସ୍ଥା ଚଞ୍ଚକତା କରି ଆଗରୁଥିବା ପୁରୁଣା ରାସ୍ତା ଉପରେ କାମ କରିଦେଉଥିବା ଅଭିଯୋଗ ମଧ୍ୟ ବାରମ୍ବାର ହେଉଛି।
ସମସ୍ତ ବିଷୟ ଅଣଦେଖା କରି ନିର୍ମାଣ କାରି ସଂସ୍ଥା କାମ କରୁଥିଲେ ମଧ୍ୟ ଓବିସିସି କମ୍ପାନୀର ଅଧିକାରୀ ସଂପୂର୍ଣ୍ଣ ନିରବ କାହିଁକି? ପୂର୍ତ୍ତ ବିଭାଗ ରୁ ଓବିସିସି କମ୍ପାନୀକୁ କାର୍ଯ୍ଯ ପରିବର୍ତ୍ତନ ହେଲା ପରେ ସମସ୍ତ ନିୟମ ବଦଲିଗଲା କି? ଉକ୍ତ ରାସ୍ତା ନିର୍ମାଣ କାରି କମ୍ପାନୀର ମନମୁଖୀ କାର୍ଯ୍ୟ ପାଇଁ ଉକ୍ତ ସ୍ଥାନରେ ପ୍ରତିଦିନ ଛୋଟ ବଡ ଦୁର୍ଘଟଣା ମାନ ଘଟୁଛି। ଉକ୍ତ ଛକଟି ଦିନକୁ ଦିନ ରକ୍ତମୁଖା ପାଲଟି ଯାଉଛି। ସେହିପରି ବୁଧବାର ଦିନ ବିଜେପୁର ଥାନା ଅର୍ନ୍ତଗତ ବାଲିପଟା ଗାଁର ଏକ ବାହାଘରରେ ଯୋଗଦେଇ ପଦ୍ମପୁର ଚାରପାଲି ଗାଁର ଭବସାଗର ସାହା(୫୫) ଏବଂ କ୍ଷମାସାଗର ସାହୁ(୫୫)
ବିଜେପୁର ପଟରୁ ବାଇକ ଯୋଗେ ଫେରୁଥିବା ବେଳେ ପଦ୍ମପୁର ପଟରୁ ବଲାଙ୍ଗିର ଜିଲ୍ଲା ନଅଗାଁ-କ ଗାଁର ଦୁର୍ଲ୍ଲଭ ନାୟକ (ଖୁନୁ)(୫୨) ସେ ମଧ୍ୟ ବାଇକ ଯୋଗେ ଫେରୁଥିବା ସମୟରେ ଉକ୍ତ ତେଳମହୁଲ ଛକର ବୁଲାଣି ରାସ୍ତାରେ ଉଭୟ ବାଇକ ମଧ୍ୟରେ ଧକ୍କା ହୋଇଥିଲା। ସ୍ଥାନୀୟ ଲୋକେ ତିନିଜଣ ଦୁର୍ଘଟଣା ଗ୍ରସ୍ତ ବ୍ୟକ୍ତିଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ। ସେଠାରେ ସେମାନଙ୍କ ଅବସ୍ଥା ଗୁରୁତର ହେବାରୁ ଅଧିକ ଚିକିତ୍ସା ପାଇଁ ବରଗଡ ଜିଲ୍ଳା ମୁଖ୍ୟ ଚିିକିତ୍ସାଳୟକୁ ପଠାଯାଇଥିବା ଜଣା ପଡିଛି।
