ପଦ୍ମପୁର-ରାଜବୋଦାସମ୍ବର ବ୍ଲକ କାର୍ଯ୍ୟାଳୟ ଅଧୀନରେ ଥିବା ପଦ୍ମପୁର କ୍ଲଷ୍ଟରର ବାଳିକା ପ୍ରାଥମିକ ବିଦ୍ୟାଳୟ ଠାରେ ନିପୁଣ ମେଳା ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ଅତିଥି ଭାବରେ କାଉନସିଲ ଚିନ୍ମୟ କୁମାର ପଣ୍ଡା, ଅବସରପ୍ରାପ୍ତ ଶିକ୍ଷାବିତ ସଦାନନ୍ଦ ପୁରୋହିତ, ସିଆରସିସି ସୁରେଶ ଚୌହାନ, ସମସ୍ତ ଶିକ୍ଷକ ଏବଂ କମିଟିର ସମସ୍ତେ ଯୋଗଦେଇ ସଭାକୁ ଉଦଘାଟନ କରିଥିଲେ । ସୀତାରାମ ତ୍ରିପାଠୀ ଓ ଶେଷଦେବ ସାହୁ ଛୋଟପିଲା ମାନଙ୍କୁ ନିପୁଣ ମେଳା ବିଷୟରେ ସମ୍ୟକଧାରଣା ଦେଇଥିଲେ ।
ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ସହିତ ସୃଜନାତ୍ମକ ଗପ, ଗୀତ, ନାଚ ବକ୍ତୃତା ଉପରେ ଷ୍ଟଲ ମାନ ଖୋଲାଯାଇଥିଲା । ପ୍ରତ୍ୟେକ ବିଦ୍ୟାଳୟର ଅଫେ୍ଲେନ ଶିକ୍ଷକ ଓ ଛାତ୍ରଛାତ୍ରୀ ଯୋଗଦାନ କରିଥିଲେ । ଉଦଯାପନୀ ସଭାରେ ସମସ୍ତ ଅଂଶଗ୍ରହଣ କାରିଙ୍କୁ ପୁରସ୍କାର ଓ ପ୍ରଣାମପତ୍ର ଦିଆଯାଇଥିଲା ।
ସମସ୍ତ କାର୍ଯ୍ୟକୁ ସି.ଆର.ସି.ସି ସୁରେଶ ଚୌହାନ ଆୟୋଜନ କରିଥିବା ବେଳେ, ଜ୍ୟୋତିର୍ମୟୀ ବେହେରା,ରଞ୍ଜୁଲତା ମିଶ୍ର, ରଶ୍ମିତା ବଡ଼ପଣ୍ଡା, ଭଗବତୀ ଦେଓ, ପଙ୍କଜିନୀ ବାରିକ, ସଂଗୀତା ଲୁହାର, ସଂଘମିତ୍ରା ଭୋଇ, ଜୟନ୍ତୀ ଭୋଇ ଘନଶ୍ୟାମ ମେହେର, ନରସିଂହ ସରାପ ଓ କମିଟିର ସମସ୍ତ ସଭ୍ୟ ସହଯୋଗ କରିଥିଲେ । ଶେଷରେ ପ୍ରହଲ୍ଲାଦ ମହାନନ୍ଦ ଧନ୍ୟବାଦ ଅର୍ପଣ କରିଥିଲେ ।
