ପାଇକମାଲ-ପାଇକମାଲ ବ୍ଲକ ଅନ୍ତର୍ଗତ ମାଣ୍ଡୋସିଲ ଗ୍ରାମର ନାଟ୍ୟରତ୍ନ ପ୍ରାପ୍ତ ନାଟ୍ୟକାର ତଥା ନିର୍ଦ୍ଦେଶକ ଶ୍ରୀ ଲଳିତ ଜଗତ ଙ୍କୁ କେନ୍ଦ୍ର ସଂସ୍କୃତି ମନ୍ତ୍ରାଳୟ ଭାରତ ସରକାର ଙ୍କ ଦ୍ଵାରା ଫୋକ୍ ଥିଏଟର (ଲୋକ ନାଟକ) ରେ ସିନିୟର୍ ଫେଲୋସିପ୍ ପାଇଛନ୍ତି l ଯାହାକି ଓଡ଼ିଶା ରେ ୨ ଜଣ ସେ ମଧ୍ୟରୁ ପ୍ରଥମ ରେ ଲଳିତ ଜଗତ ଅଛନ୍ତି ଓ ବରଗଡ଼ ଜିଲ୍ଲାରେ ଏକମାତ୍ର ଭାବେ ସିନିୟର୍ ଫେଲୋସିପ ରେ ଗୌରବ ଅର୍ଜନ କରିଛନ୍ତି l ଏ ଖୁସିର ଖବର ଶୁଣିବା ମାତ୍ରେ ଓଡ଼ିଶା, ବରଗଡ଼ ଜିଲ୍ଲା ତଥା ମାଣ୍ଡୋସିଲ ଗ୍ରାମର ସମସ୍ତ ଜନ ସାଧାରଣ କଳାକାର ଭାଇମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି l
ଏଥିରେ ବିଶେଷ ଖୁସି ବ୍ୟକ୍ତ ପ୍ରକାଶ କରିଛନ୍ତି ମାନ୍ୟବର ବରଗଡ଼ ସାଂସଦ ପ୍ରଦୀପ ପୁରୋହିତ ଏବଂ ଶ୍ରୀ ଜଗତ ଙ୍କୁ ନିଜ ବାସଭବନରେ ଉତ୍ତରୀୟ ପୁଷ୍ପଗୁଚ୍ଛ ସମ୍ୱର୍ଦ୍ଧନା ଦେଇ କହିଛନ୍ତି ଯେ ଏହା ବରଗଡ଼ ଜିଲ୍ଲା ପାଇଁ ଗର୍ବ ଓ ଗୌରବର ବିଷୟ l ଶ୍ରୀ ଜଗତ ଜଣେ ବହୁମୁଖୀ ପ୍ରତିଭାଧାରୀ ଏକା ଧାରରେ କବି,ଲେଖକ,ଗୀତିକାର,ନାଟ୍ୟକାର ଓ ନିର୍ଦ୍ଦେଶକ ଅଟନ୍ତି l ସେ ସବୁବେଳେ ୩ ଜଣ ବିଶିଷ୍ଠ କଳାକାର ଙ୍କୁ ଗୁରୁ ବୋଲି ତାଙ୍କର ଆଦର୍ଶ ନୀତି ଉପଦେଶ କୁ ପାଳନ କରୁଥିଲେ l ସେମାନେ ହେଲେ ସୁରେନ୍ଦ୍ର ସାହୁ, କାଳୀଚରଣ ବାଗ ଓ ନବୀନ କିଶୋର ତାଣ୍ଡି l
ଶ୍ରୀ ଜଗତ ଙ୍କ ଉପାୟ ସାଂସ୍କୃତିକ ଅନୁଷ୍ଠାନ ରେଜିଷ୍ଟ୍ରେସନ ଅଛି l ସେ ଜିଲ୍ଲା, ରାଜ୍ୟ ତଥା ଜାତୀୟ ସ୍ତରରେ ନାଟକ ମହୋତ୍ସବ ରେ ଭାଗ ନେଇ ବହୁତ ଅନୁଷ୍ଠାନ ତରଫରୁ ପୁରସ୍କୃତ ହୋଇଛନ୍ତି l ସବୁବେଳେ ଦୁନିଆରେ ଘଟୁଥିବା ବିଷୟବସ୍ତୁକୁ ନାଟକ ଲେଖି ଚର୍ଚ୍ଚା ରେ ଆସିଥାନ୍ତି l ଜନ ସଚେତନତା ଧର୍ମୀ ନାଟକ ଲେଖି ଜନ ସାଧାରଣଙ୍କୁ ସଚେତନ କରିଥାନ୍ତି l ସେ ଏବେ ପର୍ଯ୍ୟନ୍ତ ୨୦୦ ଶହରୁ ଊର୍ଦ୍ଧ୍ବ ନାଟକ ଲେଖି ନିଜେ ନିର୍ଦ୍ଦେଶନା ଦେଇ ସାରିଛନ୍ତି l ସେ ଜଣେ ଭଦ୍ର,ନମ୍ର, ସରଳ,ଶାନ୍ତ , ପରୋଉପକାରୀ ଓ ସମାଜସେବୀ ବୋଲି ସମସ୍ତଙ୍କର ପ୍ରିୟ ହୋଇଛନ୍ତି l
