ନୂଆପଡା(ଡୋଲେଶ୍ଵର ବାଗ)-କଳାହାଣ୍ଡି ମାଁ ମାଣିକେଶ୍ବରୀ ବିଶ୍ୱବିଦ୍ୟାଳୟ ଖେଳ ପଡିଆଠାରେ ଚାଲିଥିବା ଅନ୍ତଃ କଲେଜ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ । ଫାଇନାଲ ମ୍ୟାଚ୍ ରେ ମାଁ ମାଣିକେଶ୍ବରୀ ବିଶ୍ୱବିଦ୍ୟାଳୟକୁ ୪ ୱକେଟରେ ହରାଇ ଖଡ଼ିଆଳ କଲେଜ ଚମ୍ପିୟାନ ହୋଇଛି l
ମାଁ ମାଣିକେଶ୍ବରୀ ବିଶ୍ୱବିଦ୍ୟାଳୟ ଦଳ ପ୍ରଥମେ ବ୍ୟାଟିଂ କରି ସମସ୍ତ ୱିକେଟ ହରାଇ ୬୬ ରନ ସଂଗ୍ରହ କରିଥିଲା । ଏହାର ଜବାବରେ ଖଡ଼ିଆଳ କଲେଜ ମାତ୍ର ୧୦ ଓଭର ୩ ବଲ ରେ ୬ ୱିକେଟ ହରାଇ ଆବଶ୍ୟକ ରନ ସଂଗ୍ରହ କରି ବିଜୟୀ ହେବା ସହ ୟୁନିଭରସିଟି ଚମ୍ପିୟାନ ହୋଇଛି ।
କ୍ରିକେଟରେ ପ୍ରଥମ କରି ଖଡ଼ିଆଳ କଲେଜ ୟୁନିଭର ସିଟି ଚମ୍ପିୟାନ ହୋଇଥିବାରୁ କଲେଜ ଅଧ୍ୟକ୍ଷ ପ୍ରଶାନ୍ତ କୁମାର ପଣ୍ଡାଙ୍କ ସମେତ କ୍ରୀଡା ଅଧ୍ୟାପକ ଡ଼.ସରୋଜ କୁମାର ପଣ୍ଡା, କଲେଜର ଅଧ୍ୟାପକ ଅଧ୍ୟାପିକା ଚମ୍ପିୟାନ ଖେଳାଳିମାନଙ୍କୁ ଓ ଟିମ ମ୍ୟାନେଜର ଡ଼.ସୁରଞ୍ଜନ ପ୍ରଧାନଙ୍କୁ ଭୁୟସୀ ପ୍ରଶଂସା କରିବା ସହ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।
