ଝାରବନ୍ଧ- ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକର ଉପାନ୍ତ ଅଞ୍ଚଳ ଧନେଶ୍ବରୀ ଠାରେ ମାଁ ଧନେଶ୍ବରୀଏନ କ୍ରିକେଟ କ୍ଲବ ଆନୁକୂଲ୍ଯରେ ଅଷ୍ଟମ ମାଁ ଧନେଶ୍ବରୀଏନ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଉଦଘାଟନୀ ଉତ୍ସବରେ ମୁଖ୍ଯ ଅତିଥି ଭାବରେ ଯୁବ ସମାଜସେବୀ ମୁଜାଫର ହୁସେନ ସମ୍ମାନିତ ଅତିଥି ଭାବରେ ଆକାଶ ପାଣିଗ୍ରାହୀ,ବିକାଶ ବହିଦାର ଓ ଲିଙ୍କନ ନାୟକ ନାୟକ ପ୍ରମୁଖ ଯୋଗଦେଇ ଆନୁଷ୍ଠାନିକ ଭାବରେ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ । ପ୍ରଥମ ଦିନରେ ଚାରି ଗୋଟି ମ୍ୟାଚ ଅନୁଷ୍ଠିତ ହୋଇଥିଲା ।
ଆସନ୍ତା କାଲି ତୁର୍ଲା ଓ ଗୋଠୁଗୁଡା ମଧ୍ଯରେ ପ୍ରଥମ ସେମିଫାଇନାଲ ମ୍ୟାଚ ଅନୁଷ୍ଠିତ ହେବ । ଆଜିର ମ୍ୟାଚ ଗୁଡିକୁ ଜିତେନ୍ଦ୍ର ବାରିକ, ଡମ୍ବରୁଧର ସାହା,ଜଗସାଏ କଲେତ,ସୁଶାନ୍ତ କଲେତ,ଟଙ୍କଧର ବାରିକ, ଚିନ୍ତାମଣି ବାରିକ, କ୍ଷେତ୍ରମଣି ବାରିକ, ହେମସାଗର ଭୁଏ ,ମନୋଜ ସାହା ପ୍ରମୁଖ ପରିଚାଳନାରେ ସହଯୋଗ କରିଥିଲେ । ଚଳିତ ବର୍ଷ ଏହି ଟୁର୍ଣ୍ଣାମେଣ୍ଟ ରେ ୧୬ ଗୋଟି ଦଳ ଅଂଶଗ୍ରହଣ କରିବେ । ବିଜେତା ଦଳଙ୍କୁ ୭୦୦୦ ଟଙ୍କା ସହ ଟ୍ରଫି ଏବଂ ଉପ ବିଜେତା ଦଳଙ୍କୁ ୫୦୦୦ ଟଙ୍କା ସହ ଟ୍ରଫି ପ୍ରଦାନ କରାଯିବ ବୋଲି ଆୟୋଜକ ପକ୍ଷରୁ ସୂଚନା ମିଲିଛି ।
