ପଦ୍ମପୁର – ସାଧୁ ଗିରିଜାଶଙ୍କର ଦାସଙ୍କ ପ୍ରତିଷ୍ଠିତ ମହିମାଆଶ୍ରମ ପଲସାନୀ, (ବୁକୁରାମୁଣ୍ଡା,ମହୁଲପାଲି) ଓ ସଂକଳ୍ପ ପରିବାର ବରଗଡର ମିଳିତ ଆୟୋଜନରେ ଆଗାମୀ ନୂତନ ବର୍ଷ ପ୍ରଥମ ଦିନ ଏକ ବିଶାଳ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହେବ । ନିଃସ୍ବାର୍ଥ ସେବା ଓ ସହଯୋଗରୁ ନୂତନ ବର୍ଷ ୨୦୨୫କୁ ସ୍ବାଗତ କରାଯିବ ।
ବନ୍ଧୁ ପରିଜନ, ପରିବାର ଓ ନିଜକୁ ଗୋଟିଏ ଭାବ ଭକ୍ତିମୟ ଆଧ୍ୟାତ୍ମିକ ପରିବେଶରେ ସାମିଲ କରି ସମାଜକୁ ଦୁର୍ଘଟଣା ମୁକ୍ତ କରିବାର ପ୍ରୟାସ ଏବଂ ଲୋକ ମାନଙ୍କୁ ସଚେତନ କରିବା, ଡାକ୍ତର ଖାନାରେ ରକ୍ତ ପାଇଁ ଡ଼ହକ ବିକଳ ହେଉଥିବା ରୋଗୀଙ୍କୁ ରକ୍ତ ଦେଇ ମରଣ ମୁହଁରୁ ବଞ୍ଚାଇବାରେ ସାହାଯ୍ୟ କରିବା ଏହି ରକ୍ତଦାନ ଶିବିର ମୂଲଲକ୍ଷ ।
ନୂତନ ବର୍ଷ ୨୦୨୫ ପ୍ରଥମ ଦିନରେ ନୁଆଁ ଜୀବନର ବିନ୍ଦୁ ଟିଏ ଭଳି ଅଂଶୀଦାର ହେବାପାଇଁ ସଂକଳ୍ପ ବଦ୍ଧ ରକ୍ତଦାନ କରିବା ପାଇଁ ସମସ୍ତଙ୍କୁ ସଂକଳ୍ପ ପରିବାର ତରଫରୁ ବିକାଶ ଅଗ୍ରୱାଲ ନିବେଦନ କରିଛନ୍ତି l ଏହି ରକ୍ତଦାନ ଶିବିରଟି ଆସନ୍ତା ନବବର୍ଷ ଜାନୁୟାରୀ ୦୧ ତାରିଖ ବୁଧବାର ଦିନ ସକାଳ ୦୮ ଘଣ୍ଟା ସମୟରେ ମହିମା ଆଶ୍ରମ ପରିସରରେ ଆରମ୍ଭ ହେବ ବୋଲି ସୂଚନା ଦିଆଯାଇଛି।
