ଡୁଙ୍ଗୁରୀପାଲି-ସରକାରଙ୍କ ନିର୍ଦ୍ଦେଶକ୍ରମେ ଡୁଙ୍ଗୁରୀପାଲି ମହାବିଦ୍ୟାଳୟର ଯୁକ୍ତ ତିନି ଛାତ୍ରଛାତ୍ରୀମାନଙ୍କୁ ନେଇ ” ବିକଶିତ ଭାରତ – ଆହ୍ମାନ ଓ ଅବଦାନ” ଶୀର୍ଷକ ଏକ କୁଇଜ୍ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଅଛି । ଏଥିରେ ପ୍ରତିଟି ବର୍ଷର ଛାତ୍ରଛାତ୍ରୀଙ୍କୁ ନେଇ ଛଅଟି ଗ୍ରୁପ ମଧ୍ୟରେ ଏ କାର୍ଯ୍ୟକ୍ରମ କରାଯାଇଅଛି । ଏଥିରେ ଶତାଧିକ ଛାତ୍ରଛାତ୍ରୀ ଅତି ଆଗ୍ରହର ସହ ଯୋଗଦାନ କରିଥିଲେ ।
ସମଗ୍ର କାର୍ଯ୍ୟକ୍ରମଟିକୁ ପ୍ରାଧ୍ୟାପକ ଡ. ସରୋଜ କୁମାର ଦାଶ ପରିଚାଳନା କରିଥିଲେ, ଅଧ୍ୟାପିକା ମଧୁସ୍ମିତା ଶତପଥି ଏବଂ ଅଧ୍ୟାପିକା ନସିମା ବାନୋ ସହାୟତା କରିଥିଲେ । ଉକ୍ତ କାର୍ଯ୍ୟକ୍ରମରେ ଅଧ୍ୟକ୍ଷ ସରୋଜ ବିଶ୍ଵାଳ, ପ୍ରାଧ୍ୟାପକ ହରିହର ଦାଶ, ପ୍ରାଧ୍ୟାପକ ବିଜୟାନନ୍ଦ ଦାଶ, ପ୍ରାଧ୍ୟାପିକା ପଦ୍ମିନୀ ଗୁରୁ ଓ ଦୁର୍ବାଦଳ ମେହେର ଉପସ୍ଥିତ ଥିଲେ ।
