ବୁଗୁଡ଼ା(ସୋରେନ କୁମାର ପ୍ରଧାନ)-ସ୍ଥାନୀୟ ନୂଆଁ ବସଷ୍ଟାଣ୍ଡ ଭିତରୁ ଗୋଟିଏ ହରିଣ ଛୁଆକୁ ବନ ବିଭାଗ ପକ୍ଷରୁ ଉଦ୍ଧାର କରିବା ପରେ ପ୍ରାଥମିକ ଚିକିତ୍ସା କରି ପୁଣି ଛାଡି ଦେଇଥିବା ଜଣା ପଡିଛି l ଆଜି ସକାଳ ପ୍ରାୟ ୧୧ଟା ସମୟରେ କୁକୁର ହାବୁଡ଼ରୁ ରକ୍ଷା ପାଇବା ପାଇଁ ଏକ ୩ ବର୍ଷର ହରିଣ ଛୁଆ ଶକ୍ତି ନଗର କେନାଲ ପଟୁ ଭୟରେ ଦୌଡି ଆସି ବସଷ୍ଟାଣ୍ଡର ଶୌଚାଳୟ ଭିତରକୁ ପଶି ଯାଇଥିଲା l
ଖବର ପାଇ ବନ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ହରିଣ ଛୁଆଟିକୁ ଉଦ୍ଧାର କରି ବନ ବିଭାଗ କାର୍ଯ୍ୟାଳୟକୁ ନେଇଥିଲେ l ହରିଣ ଛୁଆଟିକୁ ସାମାନ୍ୟ ଆଘାତ ଲାଗିଥିବାରୁ କ୍ଷତ ସ୍ଥାନରେ ମଲମ ଲଗାଇ ପୁଣି ବିଲମାଳରେ ଛାଡି ଦିଆଯାଇଥିଲା l
